សៀមរាប៖មនុស្ស២នាក់បានស្លាប់ភ្លាមៗនៅកន្លែងកើតហេតុឯ២នាក់ទៀតរងរបួសធ្ងន់ដោយគ្រោះថ្នាក់ចរាចរណ៍រថយន្តបុកម៉ូតូរ៉ឺម៉ក។ហេតុការណ៍បានកើតឡើងនៅចំណុចភូមិគោគត្រាចឃុំបាគងស្រុកប្រាសាទបាគងលើផ្លូវជាតិលេខ៦៧ដែលបង្កឡើងដោយរថយន្តបុកនិងម៉ូតូទាក់រ៉ឺម៉កក្នុងទិសដៅច្រាស់គ្នាកាលពីរសៀលថ្ងៃទី២៥ខែមិថុនាឆ្នាំ២០២០។
សមត្ថកិច្ចក្នុងហេតុការណ៍បានឱ្យដឹងថាករណីនេះបង្កឡើងដោយរថយន្តម៉ាកតូយូតាពណ៌ទឹកប្រាក់ពាក់ស្លាកលេខសៀមរាប២B០៦៦៥អ្នកបើកបររត់បាត់។ប្រភពដដែលបានបន្តថាពេលរថយន្តមកដល់ចំណុចកើតហេតុបានបុកជាមួយនឹងម៉ូតូរ៉ឺម៉កម៉ាកសង់កូរ៉េC100ពណ៌ក្រហមគ្មានស្លាកលេខបើកបរដោយឈ្មោះសួនសុធារិទ្ឋិភេទប្រុសអាយុ៤៤ឆ្នាំរស់នៅភូមិចុងកៅស៊ូសង្កាត់ស្លក្រាមក្រុងខេត្តសៀមរាប(ស្លាប់)បើកបរពីជើងទៅត្បូង។
ចំណែកអ្នកជិះពីក្រោយចំនួន៣នាក់១/ឈ្មោះញិតតាតឆភេទប្រុសអាយុ៤១ឆ្នាំរស់នៅភូមិក្រពើឃុំបល្លង្ក័ស្រុកប្រាសាទបាគង(ស្លាប់)។២/ឈ្មោះវៀនវេតភេទប្រុសអាយុ២៦ឆ្នាំរស់នៅភូមិក្រពើឃុំបល្ល័ង្គស្រុកប្រាសាទបាគង(របួសធ្ងន់)។០៣/ឈ្មោះជួនបៀនភេទប្រុសអាយុ៤៣ឆ្នាំរស់នៅភូមិក្រពើឃុំបល្ល័ង្គស្រុកប្រាសាទបាគ(របួសធ្ងន់)។
សមត្ថកិច្ចបានប្រគល់សាកសពអោយក្រុមគ្រួសារយកទៅធ្វើបុណ្យតាមប្រពៃណី។ចំណែកអ្នករបួសបញ្ចូនទៅសង្គ្រោះនៅមន្ទីរពេទ្យ។ដោយឡែករថយន្តនឹងម៉ូតូរក្សាទុកនៅអធិការស្រុកប្រាសាទបាគងដើម្បីរង់ចាំដោះស្រាយ៕
