ខេត្តព្រះសីហនុ៖សត្វឆ្កែមួយក្បាលបានធ្លាក់ទឹកស្រះចិញ្ចឹមត្រីមួយកន្លែងដោយមានស្ត្រីជាម្តាយនិងកូនស្រីចុះជួយឆ្កែនោះបណ្តាលឱ្យលង់ទឹកស្លាប់ទាំងពីរនាក់នៅក្នុងភូមិដើមថ្កូវសង្កាត់/ក្រុងកោះរ៉ុងខេត្តព្រះសីហនុកាលពីល្ងាចថ្ងៃទី១៨ខែមករាឆ្នាំ២០២១។
សមត្ថកិច្ចបានឱ្យដឹងថា៖ស្ត្រី២នាក់ម្តាយនិងកូនលង់ទឹកស្លាប់ព្រោះតែចុះជួយសត្វឆ្កែលង់ទឹក។ជនរងគ្រោះដែលស្លាប់ឈ្មោះមិនសុភាពភេទស្រីអាយុ៤០ឆ្នាំត្រូវជាម្ដាយនិងឈ្មោះយឹមគឹមមួយភេទស្រីអាយុ១៦ឆ្នាំត្រូវជាកូន រស់នៅភូមិកើតហេតុខាងលើ ។
សាក្សីបានប្រាប់សមត្ថកិច្ចថាកាលពីនៅវេលាម៉ោងជាង២គេបានឃើញម្ដាយនិងកូនជិះម៉ូតូចូលទៅកន្លែងស្រះចិញ្ចឹមត្រី។តាមការសង្ស័យមូលហេតុខាងលើបណ្ដាលមកពីឆ្កែធ្លាក់ចូលក្នុងស្រះហើយម្ដាយនិងកូនព្យាយាមជួយទើបបណ្ដាលឱ្យលង់ទឹកស្លាប់ទាំងពីរនាក់តែម្តង៕សហការី