បាត់ដំបង៖កាលពីថ្ងៃទី១៨ខែមិថុនាឆ្នាំ២០២០កម្លាំងនគរបាលសេដ្ឋកិច្ចខេត្តបានចុះរុករកស្រាថ្នាំយីហោតាំងគួយដែលធ្វើឱ្យមានមនុស្សស្លាប់៧នាក់និងរបួសជាង៣០នាក់នៅខេត្តបន្ទាយមានជ័យ។ជាលទ្ធផលសមត្ថកិច្ចបានរកឃើញស្រាថ្នាំប្រភេទនេះជាង៨០០ដបហើយយកទៅកម្ទេចចោល។
លោកយីយក់សានាយការិយាល័យនគរបាលសេដ្ឋកិច្ចខេត្តបានបញ្ជាក់ថាកាលពីថ្ងៃទី៨ខែមិថុនាឆ្នាំ២០២០កន្លងទៅនេះមានប្រជាពលរដ្ឋចំនួន៧នាក់បានស្លាប់និងរបួសជាង៣០នាកកំពុងសម្រាកព្យាបាលក្នុងមន្ឋីរពេទ្យដោយសារពុលស្រាថ្នាំម៉ាកតាំងគួយនៅក្នុងខេត្តបន្ទាយមានជ័យ ។
លោកនាយការិយាល័យបានឱ្យដឹងថាដោយមានការណែនាំរបស់លោកឧត្តមសេនីយ៍ទោអ៊ុចសុខុនស្នងការនគរបាលខេត្តសារបានបញ្ជាឱ្យកម្លាំងជំនាញធ្វើការស្រាវជ្រាវនៅនៅតាមទីផ្សារក្នុងក្រុងនិងស្រុកទាំង១៤ដើម្បី រុករកស្រាថ្នាំម៉ាកតាំងគួយនេះដោយ មិន អនុញ្ញាតឱ្យដាក់លក់នៅ លើ ទីផ្សារ តទៅទៀតឡើយ។
ចាប់តាំងពីថ្ងៃទី១០ខខែមិថុនានេះកម្លាំងជំនាញដឹកនាំដោយលោកវរសេនីយ៍ទោយីយក់សានប្រធានការិយាល័យបានបែងចែកកម្លាំងចុះទៅតាមទីផ្សារនិងផ្ទះលក់ចាបហួយទាំងក្នុងក្រុងនិងតាមស្រុកដាច់ស្រយាលដើម្បីរុករកប្រភេទស្រាថ្នាំនេះ។លុះមកដល់ថ្ងៃទី១៨ខែមិថុនាឆ្នាំ២០២០នេះសមត្ថកិច្ចជំនាញបានរកឃើញស្រាថ្នាំនេះកំពុងដាក់លក់នៅក្នុងទីផ្សារមួយកន្លែងក្នុងស្រុកសំពៅលូនជាប់នឹងព្រំដែន ថៃ។
លោក ប្រធានបានមានប្រសាសន៍ថាទោះបីជាស្រាថ្នាំនេះត្រូវបានរកឃើញចំនួន៦៨យួរ ស្មើនឹង ៨១៦ដបហើយបានដកហូតយកទៅកម្ទេចចោលដោយបាន ណែនាំ ដល់ ម្ចាស់ មិន អនុញ្ញាត ឱ្យលក់ស្រាប្រភេទនេះតទៀតក្តី។ក៏កម្លាំងមន្ត្រីរបស់លោកនៅតែបន្តចុះប្រតិបត្តិការទៅតាទីតាំងជនបទឆ្ងាយៗដើម្បីស្រាវជ្រាវរកបន្តទៀតជៀសវាងពលរដ្ឋដែលមិនដឹងហើយនាំគ្នាពិសារស្រានេះអាចមានគ្រោះថ្នាករហូតបាត់បង់ជីវិត៕
