សៀមរាប៖កាលពីថ្ងៃទី២៣និង២៤ខែធ្នូឆ្នាំ២០២០នេះកម្លាំងនគរបាលប្រឆាំងគ្រឿងញៀនសហការណ៍ជាមួយកម្លាំងប៉ុស្តិ៍នគរបាលមូលដ្ឋានបានឃាត់ខ្លួនជនសង្ស័យប្រុសស្រីចំនួន៧នាក់ករណីរក្សាទុកនិងជួញដូរគ្រឿងញៀន។
លោកវរសេនីយ៍ទោអ៊ុសាអាតនាយការិយាល័យនគរបាលប្រឆាំងគ្រឿងញៀនបានឱ្យដឹងថាៈជនសង្ស័យដែលឃាត់ខ្លួនទី១ឈ្មោះខាសំអាតហៅលីនភេទស្រីឆ្នាំកំណើត២០០២។ទី២ឈ្មោះឡាយដាវីនភេទស្រីឆ្នាំកំណើត១៩៩៣។ទី៣ឈ្មោះធីរដ្ឋាហៅទ័រភេទប្រុសឆ្នាំកំណើត២០០៣។ទី៤ឈ្មោះស៊ុយសុឡាយភេទប្រុសឆ្នាំកំណើត២០០៣។ទី៥ឈ្មោះរ៉ា ឈិ ប្រុសឆ្នាំកំណើត២០០១ទី៦ឈ្មោះនី សុជនណា ប្រុសឆ្នាំកំណើត២០០២ និងទី៧ឈ្មោះសុខសម្បត្តិភេទស្រីឆ្នាំកំណើត១៩៦០។
លោកបន្តថា ក្នុងពេលចាប់ខ្លួនដកហូតវត្ថុតាងថ្នាំញៀនម៉ាទឹកកកចំនួន៣៤កញ្ចប់តូចទូរស័ព្ទចំនួន៥គ្រឿង និងសម្ភារវេចខ្ចប់មួយចំនួន។ជនសង្ស័យបានបញ្ជូនទៅតុលាការនៅរសៀលថ្ងៃទី២៥ខែធ្នូនេះចាត់ការបន្ត៕សហការី
