ខេត្តកំពង់ឆ្នាំង៖កាលពីរសៀលថ្ងៃទី៧ខែធ្នូឆ្នាំ២០២០អ្នកភូមិបានប្រទះឃើញបុរសម្នាក់ដេកស្លាប់សង្ស័យថាជាអំពើឃាតកម្មដោយលើខ្លួនជនរងគ្រោះមានស្នាមរបួសកាប់នឹងកាបិត។ករណីនេះបានកើតឡើងនៅត្រង់ប្រឡាយទឹកអែបក្បែរផ្លូវក្រាលក្រួសក្រហមក្នុងភូមិគកឃុំពានីស្រុកកំពង់ត្រឡាចខេត្តកំពង់ឆ្នាំង។
លោកឧត្តមសេនីយ៍ត្រីប៉ុលវុទ្ធីស្នងការរងនគបាលខេត្តកំពង់ឆ្នាំបានឱ្យដឹងនៅរសៀលថ្ងៃទី៨ធ្នូ២០២០ថាករណីឃាតកម្មនេះបង្កឡើងដោយជនសង្ស័យដែលគេមិនបានស្គាល់អត្តសញ្ញាណបានកាប់ទៅលើជនរងគ្រោះឈ្មោះញៀនណូយហៅស្នាភេទប្រុសអាយុ៤០ឆ្នាំរស់នៅភូមិស្ពានដែកឃុំធ្លកវៀនស្រុកសាមគ្គីមានជ័យខេត្តកំពង់ឆ្នាំងបណ្ដាលឱ្យស្លាប់។
លោកស្នងការរងបានបន្តថាតាមការស្រាវជ្រាវរយៈពេល២ថ្ងៃមកនេះដោយមានការសម្របសម្រួលពីព្រះរាជអាជ្ញាអមសាលាតំបូងខេត្តកំពង់ឆ្នាំងលោកអ៊ិតសុធាបាននាំខ្លួនជនសង្ស័យ២នាក់យកមកស្នងការនគបាលខេត្តកំពង់ឆ្នាំង។ក្នុងការស្រាវជ្រាវករណីឃាតកម្មនេះកម្លាំងនគបាលជំនាញបានឃាត់ខ្លួនជនសង្សយ័២នាក់មាន១ឈ្មោះច្រើននិងឈ្មោះណឹមអ្នកទាំង២រស់នៅក្នុងភូមិគក់ឃុំពានីស្រុកកំពង់ត្រឡាចខេត្តកំពង់ឆ្នាំង៕សហការី