ភ្នំពេញ៖បុរសម្នាក់បើករថយន្ដក្នុងល្បឿនលឿនជ្រុលទៅបុករនាំងដែករបងព្រលានយន្តហោះពោធិ៍ចិនតុងបណ្តាលឱ្យខូចមួយផ្ទាំងឯរថយន្តខ្ទេចមួយកំណាត់មុខ។ហេតុការណ៍នេះកើតឡើងតាមបណ្ដោយផ្លូវសហព័ន្ធរុស្ស៊ីក្នុងសង្កាត់ចោមចៅទី៣ខណ្ឌពោធិ៍សែនជ័យកាលពីយប់ថ្ងៃទី៧ខែធ្នូឆ្នាំ២០២០។
សាក្សីបានឱ្យដឹងថាៈរថយន្តបង្កម៉ាកតូយូតាព្រូសពណ៌សពាក់ផ្លាកលេខភ្នំពេញ2BI.5520ធ្វើដំណើរតាមបណ្តោយផ្លូវសហព័ន្ធរុស្ស៊ីបានគេចម៉ូតូរួចជ្រុលទៅបុករនាំងដែកបាំងរបងព្រលានយន្តហោះពោធិ៍ចិនតុង។តែអ្នកបើកបរអត់មានរបួសធ្ងន់ធ្ងរទេហើយឡើងជិះម៉ូតូកង់បីគេចខ្លួនបាត់៕សហការី
