ភ្នំពេញ៖រថយន្តក្រឡុកស៊ីម៉ង់ត៍បើកបុកម៉ូតូនិងកិនបុរសម្នាក់បណ្តាលឱ្យស្លាប់ភ្លាម។ហេតុការណ៍គ្រោះថ្នាក់ចរាចរណ៍នេះបានកើតឡើងនៅត្រង់ចំណុចស្តុបចំការមនផ្លូវព្រះនរោត្ដមសង្កាត់ទន្លេបាសាក់ខណ្ឌចំការមនកាលពីព្រឹកថ្ងៃទី៨ ខែធ្នូឆ្នាំ ២០២០។
មន្ត្រីសមត្ថកិច្ចបានឱ្យដឹងថាៈសពជនរងគ្រោះមានឈ្មោះ សុផាត ពិសិត ភេទ ប្រុស អាយុ២៣ ឆ្នាំ មានស្រុកកំណើតភូមិពោធិ៍តាមុំឃុំស្វាយជ្រុំស្រុកមេសាងខេត្តស្វាយរៀង។ជិះម៉ូតូមួយគ្រឿងម៉ាកឌ្រីមសង់ពណ៌ខ្មៅពាក់ស្លាកលេខកំពង់ស្ពឺ1E7799។
ចំណែកអ្នកបើកបររថយន្តបង្កឈ្មោះស.ហមអាយុ៣៦ឆ្នាំមុខរបរបើកបរស្រុកកំណើតភូមិអង់ពកឃុំម៉ឺនជ័យស្រុករំដួលខេត្តស្វាយរៀង។រថយន្តក្រឡុកស៊ីម៉ង់ម៉ាកហ៊ីណូពាក់ផ្លាកលេខភ្នំពេញ5A3109របស់ក្រុមហ៊ុនកែអេងខនគ្រីត។អ្នកបើកបររថយន្តត្រូវសមត្ថកិច្ចឃាត់ខ្លួនយកទៅសាកសួរនិងចាត់ការតាមច្បាប់៕សហការី
