ភ្នំពេញ៖កម្លាំងនគរបាលបានឃាត់ខ្លួនជនជាតិចិនចំនួន៣នាក់ករណីប្រើប្រាស់កាំភ្លើងដោយខុសច្បាប់។ការឃាត់ខ្លួនជនសង្ស័យនេះបានធ្វើឡើងនៅមុខផ្សារថៃហួតផ្លូវ១០០៣ភូមិ/សង្កាត់ភ្នំពេញថ្មី ខណ្ឌសែនសុខកាលពីវេលាថ្ងៃត្រង់ថ្ងៃទី៨ខែធ្នូ ឆ្នាំ២០២០។
លោកវរសេនីយ៍ឯកហួរម៉េងវ៉ាងអធិការនគរបាលខណ្ឌសែនសុខបានឱ្យអ្នកសារព័ត៌មានដឹងថា៖ជនសង្ស័យទាំង៣នាក់ឈ្មោះវ័ងចុងអ៊ិភេទប្រុសអាយុ៣៣ឆ្នាំមានសារធាតុញៀន។ឈ្មោះ ជីង អ៊ី ភេទប្រុសអាយុ៣២ឆ្នាំមានសារធាតុញៀន។ឈ្មោះស៊ូភីងភេទប្រុសអាយុ៣១ឆ្នាំមានសារធាតុញៀន ទាំងបីនាក់ជាជនជាតិចិនមុខរបរទេសចរណ៍ស្នាក់នៅសណ្ឋាគារប៉ាវហ្វុងផ្លូវសហព័ន្ធរុស្ស៊ីសង្កាត់កាកាប១មានសារធាតុញៀន។
លោកវរសេនីយ៍ឯកបានបន្តថាៈសមត្ថកិច្ចដកហូត រថយន្ត១គ្រឿងម៉ាក ឡិចស៊ីស៥៧០ ពណ៌ខ្មៅ ផលិតឆ្នាំ២០០៨ ពាក់ផ្លាកលេខភ្នំពេញ2Q-6666 និងអាអាវុធខ្លី១ដើម ម៉ាកឡុក១៧ពណ៌ខ្មៅលេខ0406 បង់១គ្រាប់៨គ្រាប់ ។បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕សហការី
