បាត់ដំបង៖កម្លាំងនគរបាលខេត្ត,នគរបាលស្រុកឯកភ្នំ,នគរបាលប៉ុស្តិ៍រដ្ឋបាលកោះជីវាំងមន្ត្រីផ្នែកជលផលនិងសមត្ថកិច្ចពាក់ព័ន្ធកាលពីព្រឹកថ្ងៃទី៤ខែធ្នូឆ្នាំ២០២០បានចុះបង្ក្រាបបទល្មើសនេសាទនៅបឹងនរាអូរក្របីស្អុយអតីតឡូតិ៍លេខ២បាត់ដំបងស្ថិតនៅក្នុងឃុំកោះជីវាំងស្រុកឯកភ្នំខេត្តបាត់ដំបង។
លោកវរសេនីយ៍ឯកឡុងយោធាវីរៈអធិការនគរបាលស្រុកឯកភ្នំបានឱ្យដឹងថាៈជាលទ្ធផលសមត្ថកិច្ចសម្រេចបានដោយដុតបំផ្លាញចោលនូវសាច់មងប្រវែង៥.៥០០ម៉ែត្រ។បង្គោលឈើចំនួន១.៥០០ដើម,ឡុកសម្រាប់ចាប់ត្រីចំនួន២១ឡុក,ចាក់លែងត្រីចម្រុះចំនួន១០០គីឡូក្រាមទៅក្នុងបឹងធម្មជាតិវិញ។
លោកបានបន្តថាៈក្រៅពីនោះបានអប់រំជនខិលខូចឱ្យរុះរើឧបករណ៍ល្មើសចេញពីក្នុងទឹកវិញដោយខ្លួនឯងនិងណែនាំឱ្យបញ្ឈប់សកម្មភាពល្មើសបែបនេះបន្តទៀត។រីឯអ្នកប្រព្រឹត្តិល្មើសដោយទ្រង់ទ្រាយធំអាជ្ញាធរនិងសមត្ថកិច្ចជំនាញបានស្រាវជ្រាវកំណត់អត្តសញ្ញាណនិងកសាងសំណុំរឿងបញ្ជូនទៅតុលា ការដើម្បីចាត់ការទៅតាមច្បាប់៕សហការី
