បន្ទាយមានជ័យ៖កាលពីថ្ងៃទី៣ខែធ្នូឆ្នាំ២០២០កុមារ៣នាក់បានហូបផ្លែល្ហុងខ្វងបណ្តាលឱ្យពុលនៅភូមិចក់ពួកឃុំស្លក្រាមស្រុកស្វាយចេកខេត្តបន្ទាយមានជ័យ។មកទល់រសៀលថ្ងៃទី៤ខែធ្នូនេះបានធូរស្បើយខ្លះហើយ ខណៈទទួលការសង្គ្រោះជាបន្ទាន់នៅមន្ទីរពេទ្យខេត្តមិត្តភាពកម្ពុជា ជប៉ុន មង្គលបូរី ។
លោកវរសេនីយ៍ឯកជាស្លូញអធិការនគរបាលស្រុកស្វាយចេកបានឱ្យដឹងថាៈកុមាររងគ្រោះទាំង ៣នាក់ឈ្មោះទីភ័ត្រាអាយុ៥ឆ្នាំឈ្មោះសំអាងរ៉ាយុនអាយុ៥ឆ្នាំនិងឈ្មោះសំអាងរ៉ាយុគអាយុ៣ឆ្នាំ។ទាំង៣នាក់រស់នៅជាមួយឪពុកម្តាយនៅភូមិឃុំដូចខាងលើ។
ករណីនេះឪពុកម្តាយនិងអាណាព្យបាលបានឱ្យដឹងថា៖កុមារទាំង៣នាក់បាននៅផ្ទះហើយដើរលេងក៏ទៅបេះផ្លែល្ហុងខ្វងដុះនៅតាមផ្លូវមកដុតហូបហើយក៏បណ្តាលឱ្យពុល។គឺពុលនៅពេលពួកគាត់កំពុងស៊ីឈ្នួលដកដំឡូងមីឱ្យគេនៅឆ្ងាយពីផ្ទះ ។
អ្នកជិតខាង និងពួកគាត់បានដឹកបញ្ជូនទៅកាន់មន្ទីរពេទ្យបង្អែកស្រុកស្វាយចេក តែមិនធូរស្រាល ក៏បញ្ជូនបន្តទៅសង្គ្រោះនៅមន្ទីរពេទ្យបង្អែកមិត្តភាពកម្ពុជាជប៉ុនមង្គលបូរី។លុះដល់រសៀលថ្ងៃទី៤ខែធ្នូក្មេងៗទាំងនោះក៏បានធូរស្បើយខ្លះហើយពីការពុលផ្លេល្ហុងខ្វងនេះ ៕សហការី
