ខេត្តព្រះសីហនុ៖គិតត្រឹមម៉ោង១១និង៣៥នាទីថ្ងៃទី១៥ខែមិថុនាឆ្នាំ២០២០ខេត្តព្រះសីហនុអាកាសធាតុលើផ្ទៃសមុទ្រមេឃនៅតែមានភាពអ៊ួរអាប់មានភ្លៀងធ្លាក់ស្ទើរគ្រប់កន្លែងព្យុះរលកសមុទ្រនៅមានកំរឹតខ្ពស់នៅឡើយ។
លោកឧត្តមសេនីយ៍ទោជួនណារិន្ទស្នងការនគរបាលខេត្តព្រះសីហនុបានដាក់បទបញ្ជារជាប្រចាំដល់កម្លាំងនគរបាលទេចរណ៍និងនគរបាលចរាចរណ៍ផ្លូវទឹកជានិច្ចជាកាលត្រូវពង្រឹងគោលដៅនិងណែនាំភ្ញៀវទេសចរណ៍ជាតិនិងអន្តរជាតិដែលចុះលេងទឹកសមុទ្រនៅតាមឆ្នេរត្រូវមានការប្រុងប្រយ័ត្នខ្ពស់។កុំចុះលេងឃ្លាតឆ្ងាយពីមាត់ឆ្នេរ ត្រឹមរយ:ចម្ងាយ០៥ម៉ែត្រចុះ, និងបានហាមមិនឱ្យក្មេងតូចៗ(អាយុប្រហែល ៧ឆ្នាំចុះ) ចុះលេងទឹក ដោយហេតុថា នេះជារដូវភ្លៀងអាចមាន គ្រោះថ្នាក់កើតឡើង ជាយថាហេតុ។
រីឯការធ្វើដំណើរឆ្លងសមុទ្រទៅកម្សាន្តតាមដែនកោះក៏គួរពិនិត្យមើលអាកាសធាតុផងដែរមុននិងអនុញ្ញាត្តឱ្យចាកចេញពីកំពង់ផែ ។លោកឧត្តមសេនីយ៍ទោ សូមធ្វើការអំពាវនាវដល់ប្រជាពលរដ្ឋ ភ្ញៀវជាតិនិងអន្តរជាតិទាំងអស់សូមយកចិត្តទុកដាក់ស្តាប់ការណែនាំពីមន្ត្រីជំនាញដើម្បីចៀសផុតពីឧបទ្ទវហេតុផ្សេងៗ៕
