ភ្នំពេញ:គ្រោះថ្នាក់ចរាចរណ៍មួយរវាងរថយន្តនិងរថយន្តបណ្ដាលឱ្យមនុស្សរងរបួសធ្ងន់ចំនួន៤នាក់។ហេតុការណ៍នេះបានកើតឡើងនៅត្រង់លើផ្លូវបេតុងព្រៃសស្ថិតក្នុងភូមិពងទឹកសង្កាត់ពងទឹក ខណ្ឌដង្កោកាលពីរសៀលថ្ងៃទី១៥ខែវិច្ឆិកាឆ្នាំ២០២០។
មន្ត្រីសមត្ថកិច្ចបានឱ្យដឹងថាៈរថយន្តម៉ាកឡិចស៊ិសRX400H ពណ៌ស ពាក់ផ្លាកលេខ ភ្នំពេញ 2AI-5525 អ្នកបើកបរមានឈ្មោះ សួន ធារិទ្ធ ភេទប្រុសអាយុ៣៤ឆ្នាំមុខរបរលក់ដូរនៅក្នុងបុរីពិភពថ្មី២ ភូមិថ្មី សង្កាត់ដង្កោ ខណ្ឌដង្កោ ភ្នំពេញត្រូវជាប្តីរងរបួសធ្ងន់។អ្នករួមដំណើរទី១មានឈ្មោះ ហុង រ៉ានី ភេទស្រី អាយុ ៣៤ឆ្នាំ មុខរបរលក់ដូរនៅជាមួយគ្នាត្រូវជាប្រពន្ធរងរបួសឆ្ងន់។
អ្នករួមដំណើរទី២មានឈ្មោះប៉ុនម៉ារីណាភេទស្រីអាយុ៧ឆ្នាំនៅជាមួយគ្នាជាកូន រងរបួសធ្ងន់ ។អ្នករួមដំណើរទី៣មានឈ្មោះសុងពិសិដ្ឋភេទប្រុសអាយុ១៥ឆ្នាំមានទីតាំងស្ថិតនៅភូមិដំណាក់ធំ១សង្កាត់ស្ទឹងមានជ័យខណ្ឌមានជ័យភ្នំពេញជាក្មួយរងរបួសស្រាល។២,រថយន្តម៉ាកភាគីម្ខាងទៀតម៉ាកហីយ៉ាន់ដាយពណ៌សពាក់ផ្លាកលេខភ្នំពេញ3D9727អ្នកបើកបរពុំស្គាល់អត្តសញ្ញាណរត់គេចខ្លួន។ជនរងគ្រោះទាំង៤នាក់ត្រូវបានដឹងយកទៅសង្គ្រោះនៅមន្ទីរពេទ្យសម្ភពមានជ័យម្នាក់និងគ្លីនិកស័ង្ហណារីចំនួន៣នាក់ ។
ចំពោះវត្ថុតាងត្រូវបានសមត្ថកិច្ចជំនាញវាស់វែងរួចប្រគល់ទៅឱ្យការិយាល័យចរាចរណ៍ផ្លូវគោករាជធានីភ្នំពេញ ដើម្បីរង់ចាំដោះស្រាយតាមនីតិវិធី៕សហការី
