មណ្ឌលគិរី៖(ព័ត៌មានបឋម)សមត្ថកិច្ចកំពុងឡោមព័ទ្ធព្រៃនៅស្រុកកោះញែកក្នុងខេត្តមណ្ឌលគីរីដើម្បីតាមចាប់ជនដៃដល់ដែលបាញ់សម្លាប់នាយរងនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ។
ជនដៃដល់បានបើករថយន្តបុកបារ៉ាស់សមត្ថកិច្ចហើយរត់ចូលព្រៃចំណែកប្រពន្ធជនដៃដល់ដែលរត់ទៅជាមួយប្ដីសមត្ថកិច្ចចាប់ខ្លួនបានហើយ។ប៉ុន្តែក្រោយមកតាមប្រភពព័ត៌មានបញ្ជាក់ថាសមត្ថកិច្ចបានឱ្យប្រពន្ធជនដៃដល់វិលត្រឡប់ទៅផ្ទះវិញ។
ប្រភពបានបន្តថា៖ចាប់តាំងពីម៉ោង៨យប់ថ្ងៃទី៤មករាឆ្នាំ២០២១កម្លាំងសមត្ថកិច្ចខេត្តមណ្ឌលគិរីសហការជាមួយកម្លាំងមកពីរាជធានីភ្នំពេញកំពុងតាមចាប់ជនដៃដល់ដែលបានបាញ់សម្លាប់មន្ត្រីប៉ូលិសម្នាក់នៅឯរាជធានីភ្នំពេញ។សមត្ថកិច្ចបានស្រាវជ្រាវនិងឆែកឆេរគ្រប់តំបន់ដែលសង្ស័យដែលជនល្មើសលាក់ខ្លួន ដើម្បីយកចាត់ការតាមនីតិវិធី៕សហការី
![](https://planews.club/wp-content/uploads/2021/01/IMG_20210105_130127_337.jpg)