ភ្នំពេញៈគ្រោះថ្នាក់ចរាចរណ៍ដោយមានរថយន្តប៊ែនដឹកដីបើកបុកជាមួយម៉ូតូបណ្តាលឱ្យបុរសម្នាក់ជិះម៉ូតូបានស្លាប់។ក្រោយបង្កហេតុរថយន្តបើកចូលក្នុងក្រុមហ៊ុនលាយបេតុងមួយកន្លែងហើយទុករថយន្តចោលអ្នកបើកបរគេចខ្លួនបាត់។ហេតុការណ៍នេះបានកើតឡើងនៅមុខក្រុមហ៊ុនលាយបេតុងស៊ីអិកស៏ឌីអ៊ិនដាសស្ទ្រីឯលើផ្លូវជាតិ៥ភូមិគ្រួសសង្កាត់សំរោងខណ្ឌព្រែកព្នៅកាលពីរសៀលថ្ងៃទី១៥វិច្ឆិកាឆ្នាំ២០២០។
សមត្ថកិច្ចបានឱ្យដឹងថាជនរងគ្រោះមានឈ្មោះ សឿន ចាន់សុខ អាយុ២៩ឆ្នាំ មុខរបរលក់ទឹកសុទ្ធ នៅភូមិគ្រួសសង្កាត់សំរោងខណ្ឌព្រែកព្នៅរាជធានីភ្នំពេញ។ជិះម៉ូតូម៉ាកស្មាស់វីពណ៌ខ្មៅពាក់ផ្លាកលេខ 1BO-3298 ធ្វើដំណើរម្នាក់ឯងតាមបណ្តោយផ្លូវជាតិ៥។ចំណែករថយន្តបង្កម៉ាកហ៊ីណូ ក្បាលពណ៌ស ដឹកដី ពាក់ផ្លាកលេខចង្កូតស្តាំ PP-1163 បើកបរដោយបុរសម្នាក់ គេចខ្លួនបាត់ក្រោយកើតហេតុ៕សហការី