ភ្នំពេញ៖បុរសម្នាក់ជិះម៉ូតូក្នុងល្បឿនលឿនបានជ្រុលទៅបុកបង្កាន់ដៃស្ពានធ្លាក់ក៏ធ្លាកចូលប្រឡាយបណ្តាលឱ្យស្លាប់។ហេតុការណ៍បង្កឱ្យមានភាពភ្ញាក់ផ្អើលនេះបានកើតឡើងនៅតាមផ្លូវ៥២ចំណុចស្ពានខ្ចៅភូមិខ្ចៅសង្កាត់បឹងធំខណ្ឌកំបូលកាលពីរសៀលថ្ងៃទី៨ ខែវិច្ឆិកាឆ្នាំ២០២០។
សមត្ថកិច្ចបានឱ្យដឹងថាៈសពជនរងគ្រោះមានឈ្មោះទូចចំរើនភេទប្រុសអាយុ៣១ឆ្នាំរស់ក្នុងបន្ទុកគ្រួសារស្នាក់នៅផ្ទះជួលក្នុងភូមិព្រៃល្វាសង្កាត់ចោមចៅ២ខណ្ឌពោធិសែនជ័យមាន។ស្រុកកំណើតភូមិអញ្ចែងលើឃុំពុកឫស្សីស្រុកខ្សាច់កណ្តាលខេត្តកណ្តាល។
ជនរងគ្រោះជិះម៉ូតូម៉ាកស្កុបពីពណ៌ក្រហមពាក់ផ្លាកលេខភ្នំពេញ1CQ7043ជាមធ្យោបាយ។ក្រោយពីសមត្ថកិច្ចជំនាញពិនិត្យធ្វើកោសល្យវិច្ច័យរួចបានប្រគល់សពជូនក្រុមគ្រួសារយកទៅតំកល់ធ្វើបុណ្យ នៅវត្តទ្រនំជ្រឹង ក្បែរកន្លែងកើតហេតុ៕សហការី
