ក្រចេះ៖កម្លាំងនគរបាលក្រុងក្រចេះបានឃាត់ខ្លួនជនសង្ស័យចំនួន៤នាក់ជាមួយគ្រឿងញៀនជាច្រើនកញ្ចប់ស្ថិតនៅភូមិកន្ទ្រីងសង្កាត់អូរឬស្សីក្រុង/ខេត្តក្រចេះកាលពីល្ងាចថ្ងៃទី១២ខែវិច្ឆិកាឆ្នាំ២០២០។
លោក អេង ហឿន អធិការនគរបាលក្រុងក្រចេះបានឱ្យដឹងតាមទូរស័ព្ទនៅព្រឹកថ្ងៃទីថ្ងៃទី១៣ខែ វិច្ឆិកាឆ្នាំ២០២០នេះថាជនសង្ស័យមានឈ្មោះម៉េងសុគន្ធឆៃភេទប្រុសអាយុ២៥ឆ្នាំនៅភូមិ-សង្កាត់ខាងលើ និងដកហូតវត្ថុតាងបានរួមមានម្សៅក្រាមពណ៌ស(សង្ស័យជាគ្រឿងញៀន) ចំនួន១កញ្ចប់តូច។
លោកអធិការបានបន្តថាក្រោយពីមានចម្លើយសារភាពរបស់ឈ្មោះម៉េងសុគន្ធឆៃនៅថ្ងៃទី១២ខែវិច្ឆិកាឆ្នាំ២០២០កម្លាំងជំនាញបន្តឃាត់ខ្លួនជនសង្ស័យចំនួន៣នាក់ទៀតនៅចំណុចស្ថិតក្នុងភូមិព្រែកជីកឃុំសោបស្រុកព្រែកប្រសព្វខេត្តក្រចេះពាក់ព័ន្ធករណីជួញដូរនូវសារធាតុញៀន។ជនសង្ស័យ១,ឈ្មោះ ផាន់ សុភា ភេទប្រុស អាយុ៣៩ឆ្នាំ។២,ឈ្មោះ សន ដារ៉ា ហៅជា ភេទប្រុស អាយុ៣១ឆ្នាំ ។៣,ឈ្មោះ ថុល ម៉េងថាន់ ភេទប្រុស អាយុ ៣២ឆ្នាំ ។
សូមបញ្ជាក់ជនសង្ស័យចំនួន៣នាក់នៅភូមិព្រែកជីក ឃុំសោបស្រុកព្រែកប្រសព្វខេត្តក្រចេះ ។ដកហូតវត្ថុតាងបានរួមមាន៖ម្សៅក្រាមពណ៌សចំនួន៨កញ្ចប់ធំ៣កញ្ចប់តូច៥កញ្ចប់,ទុយោសម្រាប់ចូករំលែកគ្រឿងញៀនចំនួន១០,ឧបករណ៍សម្រាប់ជក់គ្រឿងញៀនមួយចំនួនម៉ូតូ១គ្រឿង ។បច្ចុប្បន្នជនសង្ស័យចំនួន៤នាក់និងវត្ថុតាងត្រូវឃាត់ និង រក្សាទុកជាបណ្តោះអាសន្ន នៅអធិការដ្ឋាននគរបាលក្រុងក្រចេះ ដើម្បីចាត់ការតាមនីតិវិធី៕សហការី
