ភ្នំពេញ៖កម្លាំងអាវុធហត្ថខណ្ឌទួលគោកបានចុះធ្វើការបង្ក្រាបទីតាំងមួយកន្លែងដោយឃាត់ខ្លួនបានជនសង្ស័យចំនួន១៣នាក់ក្នុងនោះមានស្រី៣នាក់ព្រមទាំងដកហូតវត្ថុតាងគ្រឿងញៀន៣៧កញ្ចប់តូចធំនិងសម្ភារមួយចំនួន។ការបង្ក្រាបនេះធ្វើឡើងនៅចំណុចផ្លូវ២៣៤ សង្កាត់ផ្សារដើមគរ ខណ្ឌទួលគោក កាលពីរសៀលថ្ងៃទី៤ ខែវិច្ឆិកា ឆ្នាំ២០២០។
បច្ចុប្បន្ន ជនសង្ស័យទាំង១៣នាក់ ត្រូវបានបញ្ជូនទៅការិយាល័យស្រាវជ្រាវបទល្មើសគ្រឿងញៀន នៃកងរាជអាវុធហត្ថរាជធានីភ្នំពេញដើម្បីធ្វើការសាកសួរនិងកសាងសំណុំរឿងបញ្ជូនទៅតុលាការផ្តន្ទាទោសតាមនីតិវិធីច្បាប់៕សហការី
