ខេត្តកំពង់ឆ្នាំង៖កាលពីថ្ងៃទី១០ខែកញ្ញាឆ្នាំ២០២០កម្លាំងខណ្ឌរដ្ឋបាលជលផលកំពង់ឆ្នាំងបានចុះបង្ក្រាបបទល្មើសនេសាទនៅចំណុចបឹងអញ្ចាញ,ខ្វែងឆ្លុះ,កំពង់អួរ,និងកបចេសវាលសំណាបស្ថិតក្នុងភូមិក្បាលកន្លង់ឃុំពាមឆ្កោកស្រុកជលគីរីខេត្តកំពង់ឆ្នាំង។
ក្នុងការបង្ក្រាបបទល្មើសនេសាទនេះកម្លាំងចម្រុះបានចុះរុះរើបាំងសាច់អ៊ួនរាំងផ្ចិតពោះព្រែកនិងបំផ្លាញចោលវត្ថុតាងរបាំងស្បៃមុងនៅនឹងកន្លែង។ជាលទ្ធផលរបាំងស្បៃមុង៣២កន្លែងប្រវែង១.៥០០ម៉ែត្រ,លូកងស្បៃមុង៣២គ្រឿង,បង្គោល៨០០និងចាក់ត្រីលែងទៅក្នុងទន្លេវិញចំនួន៣០០គីឡូក្រាម។
លោកលីឡានាយខណ្ឌរដ្ឋបាលជលផលខេត្តកំពង់ឆ្នាំងធ្លាប់ប្រាប់ឱ្យដឹងថាៈការចុះបង្ក្រាបបទល្មើសនេសាទនៅក្នុងរដូវបិទនេសាទម្លាំងជលផលចុះបង្ក្រាបជាបន្តបន្ទាប់ដោយធ្វើយ៉ាងណាកាត់បន្ថយបទល្មើសជលផលឱ្យនៅសល់តិចតួចបំផុតនៅក្នុងខេត្តកំពង់ឆ្នាំង ។
នាយខណ្ឌរដ្ឋបាលជលផលបានដឹងទៀតថាៈនៅក្នុងរដូវបិទនេសាទនេះកម្លាំងរបស់លោកបានចុះត្រួតពិនិត្យមើលជាប្រចាំនិងបានទប់ស្កាត់និងបំផ្លាញចោលស្បែមុង,របាំងសាច់អួនក្រឡាញឹក,ជាបន្តបន្ទាប់។ប៉ុន្តែបទល្មើសនេសាទមិនចេះអស់ដោយសារតែជនល្មើសមួយចំនួននៅតែគិតពីផលប្រយោជន៍ផ្ទាល់ខ្លួន៕