កណ្តាល៖ម៉ូតូនិងរថយន្តចំនួន២គ្រឿងបុកគ្នាបណ្តាលឱ្យបុរសម្នាក់រងរបួសធ្ងន់នៅផ្លូវជាតិលេខ១ចន្លោះគីឡូម៉ែត្រ១៩និង២០ស្ថិតក្នុងភូមិគគីរឃុំគគីរស្រុកកៀនស្វាយខេត្តកណ្តាលកាលពីរសៀលថ្ងៃទី៣ខែមករាឆ្នាំ២០២១។
មន្ត្រីសមត្ថកិច្ចបានឱ្យដឹងថា៖អ្នកបើកបរម៉ូតូឈ្មោះ ហ៊ឹម ណារ៉ាក់ ភេទប្រុស អាយុ២០ឆ្នាំនៅភូមិ រទាំងត្បូង ឃុំភូមិធំ ស្រុកកៀនស្វាយខេត្តកណ្តាលរងរបួសធ្ងន់។រថយន្តម៉ាក Nisan Frontier ពណ៌ស ពាក់ផ្លាកលេខ ត្បូងឃ្មុំ 2A.1727 ទិសដៅភ្នំពេញអ្នកលឿង អ្នកបើកបរឈ្មោះ ថៃ សុខណាន ភេទប្រុស អាយុ៣០ឆ្នាំ នៅភូមិបន្ទាយ ឃុំ បារាយណ៍ ស្រុកស្រីសន្ធរ ខេត្តកំពង់ចាម។
រថយន្តមួយគ្រឿងទៀត និងម៉ាក់ Mazda ពណ៌ស ពាក់ផ្លាកលេខ ភ្នំពេញ 2BF.2884 ទិសដៅអ្នកលឿងភ្នំពេញ អ្នកបើរបរឈ្មោះ នុត ភារុណ ភេទប្រុស អាយុ៣៥ឆ្នាំ នៅ ភូមិទ្រា សង្កាត់ស្ទឹងមានជ័យថ្មី ខណ្ឌមានជ័យ ក្រុងភ្នំពេញ៕សហការី
