បាត់ដំបង៖កម្លាំងនគរបាលបានឃាត់ខ្លួនជនសង្ស័យចំនួន៣នាក់បន្ទាប់ពីធ្វើសកម្មភាពកាច់កម៉ូតូម៉ាកClick១គ្រឿងក្នុងផ្សារថៃ។មន្ត្រីនគរបាលស្រុកកំរៀងបានឱ្យដឹងថា៖ក្រោយពីទទួលបានពាក្យបណ្តឹងរបស់ជនរងគ្រោះពីករណីបានបាត់ម៉ូតូនៅចំណុចផ្សារថៃភូមិបានឡែមឃុំថេបនិមិត្រខេត្តចន្ទបុរីប្រទេសថៃកាលពីថ្ងៃទី១ខែវិច្ឆកាឆ្នាំ២០២០រួចមក។
កម្លាំងនគរបាលផ្នែកព្រហ្មទណ្ឌស្រុកកំរៀងបានសហការជាមួយកម្លាំងប៉ុស្តិ៍រដ្ឋបាលបឹងរាំងរួមទាំងនគរបាលការពារព្រំដែនគោកប៉ុស្តិ៍ស្វាយចេកចុះស្រាវជ្រាវរហូតឃាត់ខ្លួនបានជនសង្ស័យចំនួន៣នាក់ជាបន្តបន្ទាប់នៅព្រឹកថ្ងៃទី២ ខែវិច្ឆិកា ឆ្នាំ២០២០ កន្លងមកនេះ។
ជនសង្ស័យមានឈ្មោះខឿម រ៉េន ភេទប្រុស អាយុ៣៨ឆ្នាំ.ឈ្មោះធឿន ស្វិត ភេទប្រុស អាយុ ២២ឆ្នាំ និងម្នាក់ទៀតឈ្មោះសែម ចាន់ធា ហៅស្កូវ ភេទប្រុស អាយុ៣៤ឆ្នាំ ទាំង៣នាក់រស់នៅក្នុងភូមិដូង ភូមិអូរដា ក្នុងឃុំបឹងរាំង ស្រុកកំរៀង ខេត្តបាត់ដំបងមានមុខរបរកម្មករ។
ក្រោយការឃាត់ខ្លួនកម្លាំងសមត្ថកិច្ចដកហូតបានឧបករណ៍កាច់សោរម៉ូតូចំនួន ២ និងម៉ូតូចំនួន ១គ្រឿង។មានម៉ាកហុងដាឃ្លីក ពណ៌ស សេរ៉ីឆ្នាំ២០១៧ ពាក់ស្លាកលេខ: ២y-០៧៥២ ។ជនសង្ស័យបានឆ្លើយសារភាពថាពួកខ្លួនពិតជាបានធ្វើសកម្មភាពកាច់សោកយកម៉ូតូរបស់ជនរងគ្រោះពិតប្រាកដមែនដោយសារពួកគេអត់លុយទិញគ្រឿងញៀនជក់ និងអត់លុយសងគេផង។
ចំណែកជនរងគ្រោះមានឈ្មោះសេងកញ្ញាភេទស្រីអាយុ៣៣ឆ្នាំនៅស្រុកកំរៀងខេត្តបាត់ដំបង។ចំពោះមុខជនសង្ស័យនិងវត្ថុតាងសមត្ថកិច្ចកសាងសុំណុំរឿងដើម្បីបញ្ជូនទៅកាន់ស្នងការនគរបាលខេត្តតាមនីតិវិធី៕សហការី