ភ្នំពេញ៖កម្លាំងនគរបាលប្រឆាំងគ្រឿងញៀនរាជធានីភ្នំពេញបានបង្ក្រាបករណីរជួញដូរគ្រឿងញៀនទ្រងទ្រាយធំមួយដោយឃាត់ខ្លួនបានជនសង្ស័យម្នាក់រួមទាំងគ្រឿងញៀនជាង៧គីឡូក្រាម។ការឃាត់ខ្លួននេះបានធ្វើឡើងនៅត្រង់ចំណុចផ្លូវ៥Aបូរីលឹមឈាងហាក់ ស្ថិតក្នុង ភូមិម័ល សង្កាត់ដង្កោ ខណ្ឌដង្កោ កាលពីរសៀលថ្ងៃទី១ ខែ វិច្ឆិកាឆ្នាំ២០២០។
កម្លាំងនគរបាលដែលចុះដល់កន្លែងកើតហេតុបានឲ្យដឹងថាជនសង្ស័យមានឈ្មោះជាចាន់ដារ៉ាភេទប្រុសអាយុ៣៥ឆ្នាំជនជាតិខ្មែរ។វត្ថុតាងដែលចាប់យកបានមាន៖សារធាតុញៀនប្រភេទម៉េតំហ្វេតាមីន (ICE)ទម្ងន់៧គីឡូក្រាមនិង៦២២ក្រាម។
បច្ចុប្បន្នជនសង្ស័យព្រមទាំងវត្ថុតាងសមត្ថកិច្ចបានកសាងសំណុំរឿងបញ្ជូនទៅតុលាការរាជធានីភ្នំពេញដើម្បីចាត់ការបន្តតាមនីតិវិធី ៕សហការី