ព្រះសីហនុ៖ទណ្ឌិតម្នាក់នៅពន្ធនាគារខេត្តព្រះសីហនុស្លាប់ដោយគាំងបេះដូងខណៈដឹកបញ្ជូនទៅកាន់មន្ទីរពេទ្យបង្អែកខេត្តកាលពីរសៀលថ្ងៃទី៣០ខែតុលាឆ្នាំ២០២០។មន្ត្រីពន្ធនាគារខេត្តព្រះសីហនុម្នាក់បានឱ្យដឹងថា ទណ្ឌិតរូបនេះបានស្លាប់ តាមផ្លូវលើរថយន្ត ខណៈដឹកពី មណ្ឌលកែប្រែក្បាលឆាយ មកមន្ទីរពេទ្យបង្អែកចម្ការចេក ក្រុងព្រះសីហនុ ។
ប្រភពដដែលបានបន្តថាៈសាកសពឈ្មោះឯមស៊ុនភេទប្រុសជនជាតិខ្មែរឆ្នាំកំណើត១៩៧០ស្រុកកំណើត ស្រុកកំពង់ត្រឡាចខេត្តកំពង់ឆ្នាំង។ពេលចាប់ខ្លួនស្នាក់នៅបច្ចុប្បន្នភូមិ៥សង្កាត់លេខ៤ ក្រុង.ខេត្តព្រះសីហនុ។ឆ្លងតាមការពិនិត្យពីលោកគ្រូពេទ្យជំនាញនិងសមត្ថកិច្ចកោសល្យវិច័យសាកសពស្លាប់ដោយសារគាំងបេះដូង។បច្ចុប្បន្នសពតម្កល់ទុកនៅមន្ទីរពេទ្យចម្ការចេកទុកប្រគល់ឱ្យក្រុមគ្រួសារសពយកទៅធ្វើបុណ្យ៕
