បាត់ដំបង៖កម្លាំងនគរបាលខេត្តបានបញ្ជូនជនសង្ស័យម្នាក់ទៅតុលាការក្រោយពេលសមត្ថកិច្ចក្រុងបាត់ដំបងចាប់ជននេះបានពេលធ្វើសកម្មភាពលួចម៉ូតូពីស្រុកកំរៀងនិងដកហូតម៉ូតូបានមកវិញកាលពីថ្ងៃទី៣០ខែតុលាឆ្នាំ២០២០។
មន្ត្រីនគរបាលព្រហ្មទណ្ឌកម្រិតស្រាលខេត្តបានឱ្យដឹងថាជនសង្ស័យមានឈ្មោះវង្សផាន់រ៉ាភេទប្រុសអាយុ៣៤ឆ្នាំ។ជនសង្ស័យត្រូវបានស្រាវជ្រាវចាប់ខ្លួនបានកាលពីយប់ថ្ងៃទី២៨ខែតុលានៅចំណុចបរិវេណស្ថានីយ៍រថភ្លើងក្នុងភូមិកម្មករសង្កាត់ស្វាយប៉ោក្រុងបាត់ដំបង។ដកហូតបានម៉ូតូជនរងគ្រោះ១គ្រឿងម៉ាកហុងដាឌ្រីមសេ១២៥ពណ៌ខ្មៅស៊េរីឆ្នាំ២០១១ពាក់ស្លាកលេខបាត់ដំបង1I3335ជារបស់ជនរងគ្រោះឈ្មោះវនវ៉ាន់ភេទប្រុសនៅឃុំកំរៀងស្រុកកំរៀងខេត្តបាត់ដំបងកាលពីយប់ថ្ងៃទី២២ខែតុលាឆ្នាំ២០២០ ។
បច្ចុប្បន្នកម្លាំងការិយាល័យជំនាញបានកសាងសំណុំរឿងបញ្ជូនទៅសាលាដំបូងខេត្តបាត់ដំបងដើម្បីចាត់ការតាមផ្លូវច្បាប់៕សហការី