សៀមរាប ៖ នៅព្រឹកថ្ងៃចន្ទ ១០រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៩ ខែតុលា ឆ្នាំ២០២៣ នៅសាលប្រជុំ នៃស្នងការដ្ឋាននគរបាលខេត្ត បានរៀបចំពិធីប្រគល់ ថវិកាសមាគមមិត្តនគរបាលជាតិកម្ពុជា ជូនដល់គ្រួសារមន្ត្រីនគរបាលដែលមរណៈចំនួន ១១គ្រួសារ និងប្រពន្ធសមាជិកនគរបាលដែលមរណៈចំនួន ០២គ្រួសារ ក្រោមអធិបតីភាព លោកឧត្តមសេនីយ៍ទោ តេង ច័ន្ទណាត ស្នងការ នៃស្នងការដ្ឋាននគរបាលខេត្តសៀមរាប ដោយមានការចូលរួមពី លោកស្នងការរង ទទួលផែនការងារធនធានមនុស្ស លោកនាយ-នាយរងការិយាល័យបុគ្គលិកផងដែរ ។
ក្នុងឱកាសជួបសំណេះសំណាលនោះ លោកឧត្តមសេនីយ៍ទោ ស្នងការ បានសំដែងនូវមនោសញ្ជេតនា ការអាឡោះអាល័យ សោកស្តាយជាពន់ពេក ចំពោះការបាត់បង់ស្វាមី ភរិយា ឪពុក ម្តាយ ដ៏ល្អដែលបានបម្រើប្រទេសជាតិ មាតុភូមិនាពេលកន្លងមក ។
ទន្ទឹមនិងនោះដែរក្រុមគ្រួសារសមាជិកមរណៈ បានថ្លែងអំណរអរគុណយ៉ាងជ្រាលជ្រៅបំផុត ដល់សមាគមមិត្តនគរបាលជាតិកម្ពុជា និងថ្នាក់ដឹកនាំគ្រប់លំដាប់ថ្នាក់ ជាពិសេសថ្នាក់ដឹកនាំនៃស្នងកាដ្ឋាននគរបាលខេត្តសៀមរាប ដែលយកចិត្តទុកដាក់ដោះស្រាយថវិកាសមាគមមិត្តនគរបាលជាតិកម្ពុជា បានយ៉ាងឆាប់រហ័សជូនពួកគាត់សម្រាប់ដោះស្រាយទុក្ខធុរ: ៕