កំពង់ឆ្នាំង៖គ្រោះថ្នាក់ផ្លូវទឹកករណីជួបខ្យល់ព្យុះនិងភ្លៀងខ្លាំង បណ្តាលឱ្យលិចទូកម៉ាស៊ីនបាត់ខ្លួន២នាក់ ហើយម្នាក់រួចផុតពីគ្រោះថ្នាក់ គឺជនរងគ្រោះជាឪពុក-ម្តាយនិងកូន។ហេតុការណ៍នេះបានកើតឡើងនៅខាងកើតកោះចាប ក្នុងឃុំពោធិ៍ស្រុកកំពង់លែង ខេត្តកំពង់ឆ្នាំង កាលពីល្ងាចថ្ងៃទី២៥ ខែកក្កដាឆ្នាំ២០២៣។
មន្ត្រីអាជ្ញាធរបានឱ្យដឹងថា ជនរងគ្រោះទាំង៣នាក់ក្នុងហេតុការណ៍លិចទូកម៉ាស៊ីននោះឈ្មោះរ៉េន រឹទ្ធ អាយុ៣០ឆ្នាំបាត់ខ្លួន-ឈ្មោះ អេង យីម អាយុ៤៤ឆ្នាំជាប្រពន្ធបាត់ខ្លួន និងឈ្មោះប៉ុន ភារម្យ ភេទប្រុស អាយុ១៦ឆ្នាំជាកូនបានហែលទឹករួចផុតពីគ្រោះថ្នាក់ ។ ជនរងគ្រោះនៅក្នុងភូមិដំណាក់កកោះ ឃុំពោធិ៍ ស្រុកកំពង់លែង ខេត្តកំពង់ឆ្នាំង ។
បន្ទាប់ពីកើតហេតុរហូតមកព្រឹកថ្ងៃទី២៦ ខែកក្កដានេះកម្លាំងអាជ្ញាធរ-សមត្ថកិច្ច-ពលរដ្ឋជាមួយក្រុមគ្រួសារបានស្វែងរក តែរកមិនទាន់ឃើញនៅឡើយទេ។ជនរងគ្រោះដែលបាត់ខ្លួនត្រូវបានកម្លាំងសរុបកំពុងចែកផ្លូវគ្នារុករកបន្តទៀត៕