ខេត្តពោធិ៍សាត់៖កម្លាំងនគរបាលស្រុកវាលវែងបានចុះអនុវត្តដីកានៃសាលាដំបូងខេត្តពោធិ៍សាត់២ករណីផ្សេងគ្នាដោយឃាត់ខ្លួនជនសង្ស័យ២នាក់ ពាក់ព័ន្ធករណីសារធាតុញៀនដែលស្ថិតនៅភូមិស្ទឹងថ្មី ឃុំប្រមោយ ស្រុកវាលវែង ខេត្តពោធិ៍សាត់កាលពីថ្ងៃទី២៧ ខែតុលាឆ្នាំ២០២០។
មន្ត្រីនគរបាលបានឱ្យដឹងថាៈករណីចុះអនុវត្តដីកាសាលាដំបូងខេត្តពោធិ៍សាត់។ជនសង្ស័យដែលត្រូវសមត្ថកិច្ចឃាត់ខ្លួនជនសង្ស័យម្នាក់ឈ្មោះជាម៉ាប់ភេទប្រុសអាយុ២៨ឆ្នាំនៅភូមិ.ឃុំកើតហេតុ។
ប្រភពដដែលបានបន្តថាជនសង្ស័យជាប់ចោទពីបទរក្សាទុកនូវសារធាតុញៀនប្រព្រឹត្តនៅភូមិ/ឃុំប្រមោយស្រុកវាលវែងខេត្តពោធិ៍សាត់កាលពីថ្ងៃទី៦ ខែឧសភា ឆ្នាំ២០២០ កន្លងទៅ។
មន្ត្រីនគរបាលស្រុកក្រគរវិញបានឱ្យដឹងដែរថានៅថ្ងៃដដែលនោះនៅភូមិទី៤ឃុំកំពង់លួងស្រុកក្រគរខេត្តពោធិ៍សាត់សមត្ថកិច្ចបានអនុវត្តដីកាបង្គាប់ឱ្យនាំខ្លួនលេខ១០០.ន.ខ/២០ចុះថ្ងៃទី១២ខែសីហាឆ្នាំ២០២០ចេញដោយលោកស៊ិនពិសិដ្ឋចៅក្រមសើបសួរនៃសាលាដំបូងខេត្តពោធិ៍សាត់ចោទពីបទជួញដូរដោយខុសច្បាប់នូវសារធាតុញៀន។សង្ស័យឈ្មោះ ឆន គឹមសួរ ហៅសួរ ភេទប្រុស អាយុ ២៩ឆ្នាំ ជនជាតិខ្មែរ បច្ចុប្បន្នរស់នៅភូមិ.ឃុំកើតហេតុម្នាក់ដែរ។
ប្រភពព័ត៌មានពីមន្ត្រីនគរបាលស្រុកទាំងពីរបានបញ្ជាក់បន្តថាជនសង្ស័យត្រូវបានអនុវត្តតាមដីកាបង្គាប់ឱ្យនាំខ្លួននៃសាលាដំបូងខេត្តពោធិ៍សាត់ដោយបានបំពេញតាមនីតិវិធីនិងបញ្ជូនបន្តទៅសាលាដំបូងខេត្តពោធិ៍សាត់៕សហការី
