ព្រះសីហនុ៖ករណីក្មេងស្រីដែលធ្លាក់ចូលទឹកជ្រោះរមណីយ៍ដ្ឋានក្បាលឆាយកាលពីរសៀលថ្ងៃទី២១ខែតុលាឆ្នាំ២០២០សមត្ថកិច្ចនិងក្រុមង្គ្រោះបានស្វែងរកឃើញសាកសពហើយនៅព្រឹកថ្ងៃទី២២ខែតុលាឆ្នាំ២០២០នេះ។តាមការពិនិត្យលើសាកសពជនរងគ្រោះមានស្នាមបែកក្បាលសង្ស័យអាចបាក់កស្លាប់ពេលទឹកហូរធ្លាក់ពីលើល្បាក់ដ៏ខ្ពស់ ស្លាប់ភ្លាមៗតែម្តង។
សុំបញ្ជាក់ថាក្មេងស្រីរងគ្រោះឈ្មោះរឿងបញ្ញាអាយុ១៣ឆ្នាំជាសិស្សរៀននៅខេត្តបាត់ដំបងបច្ចុប្បន្នស្នាក់បណ្ដោះអាសន្ននៅភូមិ៥សង្កាត់៤ក្រុងព្រះសីហនុបានរអិលជើងធ្លាក់ចូលទៅក្នុងល្បាក់ថ្មរមណីយដ្ឋានទឹកធ្លាក់ក្បាលឆាយស្ថិតនៅសង្កាត់១ក្រុងព្រះសីហនុពេលមកលេងកម្សាន្តជាមួយក្រុមគ្រួសារកាលពី រសៀលថ្ងៃទី២១ខែតុលាហើយបាត់ខ្លួន។
ព័ត៌មាននេះបានដឹងដល់លោកគួចចំរើនអភិបាលខេត្តព្រះសីហនុនិងជាប្រធានគណៈបញ្ជាការឯកភាពរដ្ឋបាលខេត្ត ក៏បានដឹកនាំបញ្ជាផ្ទាល់ ក្នុងការរុករកសង្គ្រោះ។ ក្រោយរកឃើញសាកសព សមត្ថកិច្ចបានរៀបចំធ្វើការងារតាមនីតិវិធីមុននឹងប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕សហការី