កណ្ដាលៈ អ្នកភូមិមានការភ្ញាក់ផ្អើលខណៈឃើញ បុរសម្នាក់ឡើងលើដំបូលផ្ទះគេ ធ្វើដូចជាចោរ ពេលឃើញម្ចាស់ផ្ទះនិងពលរដ្ឋមានការភិតភ័យពេកបានលោតពីលើផ្ទះបណ្តាលឱ្យរងរបួសធ្ងន់ ។
ហេតុការណ៍នេះ បានកើតឡើងនៅភូមិស្ទឹងជ្រៅសង្កាត់ដើមមៀន ក្រុងតាខ្មៅ ខេត្តកណ្តាល កាលពីព្រឹកថ្ងៃទី២២ ខែតុលា ឆ្នាំ២០២០។
លោកវរសេនីយ៍ទោយីវណ្ណដាអធិការនគរបាលក្រុងតាខ្មៅបានថ្លែងថាៈករណីនេះមិនមែនជាករណីចោរចូលលួចទេព្រោះជននោះមិនមានឧបករណ៍ជាប់ខ្លួន ដើម្បីធ្វើសកម្មភាព។តែជាករណីបែកថ្នាំ ដោយឡើងលើដំបូលផ្ទះគេហើយលោតតែម្ដង។បច្ចុប្បន្នជននោះត្រូវបានបញ្ជូនទៅមន្ទីរពេទ្យលោកសង្ឃដើម្បីសង្គ្រោះបន្ទាន់៕សហការី
