ខេត្តពោធិ៍សាត់៖រថយន្តឡិចស៊ីសRX300១គ្រឿងបានឆ្លងចរន្តភ្លើងឆាបឆេះយ៉ាងសន្ធោសន្ធៅអស់គ្មានសល់ពេលបើកបរ។ហេតុការណ៍នេះបានកើតឡើងនៅលើកំណាត់ផ្លូវលំក្រួសក្រហមដែលស្ថិតនៅក្នុងភូមិព្រៃខ្លុងឃុំរកាតស្រុកភ្នំក្រវាញខេត្តពោធិ៍សាត់កាលពីវេលាម៉ោងប្រមាណជាង៣ទៀបភ្លឺចូលថ្ងៃទី២៨ខែតុលាឆ្នាំ២០២០។
ម្ចាស់រថយន្តដែលត្រូវភ្លើងឆេះនេះគេមិនបានបញ្ចេញឱ្យដឹងឈ្មោះនិងស្លាកលេខរថយន្តទេ។ម្ចាស់រថយន្តដដែលបានឱ្យដឹងថាៈនៅមុនពេលកើតហេតុគាត់បានជូនមិត្តភក្តិទៅផ្ទះនៅឯខេត្តពោធិ៍សាត់រួចក៏ត្រឡប់មកផ្ទះវិញ។លុះមកដល់ត្រង់ម្ដុំកើតហេតុមានផ្សេងចូលក្នុងរថយន្ត។ប៉ុន្តែពុំបានចាប់អារមណ៍ដោយស្មានតែមេឃចុះអាប់ភ្លាមៗនោះក៏ធុំក្លិនឆ្ងៀមនិងមានផ្សែងហុយពេញពីក្នុងតាប់ឡូរថយន្តទើបដឹងរថយន្តរបស់ឆ្លងចរន្តភ្លើង។ប៉ុន្តែនៅតែរកការជួយអន្តរាគមន៍ពន្លត់ភ្លើងមិនបាន ។
ម្ចាស់រថយន្តបានបន្តថាៈនៅពេលកើតហេតុនោះម្ចាស់បានត្រឹមតែចេញពីក្នុងរថយន្តមកខាងក្រៅរួចរត់ឆ្លេឆ្លាៗទៅមកនិងថតរូបភាពអណ្ដាតភ្លើងដែលបានឆាបឆេះយ៉ាងសន្ធោសន្ធៅតែប៉ុណ្ណោះ៕សហការី
