ខេត្តពោធិ៍សាត់៖ជនសង្ស័យម្នាក់ត្រូវបានប្រជាពលរដ្ឋរួមនិងកម្លាំងនគរបាលដេញចាប់បានពេលដែលជនសង្ស័យបានធ្វើសកម្មភាពលួចយកម៉ូតូ១គ្រឿងជាកម្មសិទ្ធរបស់បុគ្គលិកធនាគារហត្ថាកសិករ ត្រូវបានម្ចាស់ដឹងទាន់នៅពេលដែលជិះម៉ូតូចេញទៅ ។
ហេតុការណ៍ការឃាត់ខ្លួនជនសង្ស័យលួចម៉ូតូនេះបានកើតឡើងថ្ងៃទី២៨ ខែតុលា ឆ្នាំ២០២០នៅ ត្រង់ចំណុចក្បែរភ្នំប្រិយ៍ស្ថិតនៅភូមិខ្លាក្រពើឃុំអន្លង់ត្នោតស្រុកក្រគរខេត្តពោធិ៍សាត់។ប្រភពព័ត៌មានបានឱ្យដឹងថាម៉ូតូ១គ្រឿងដែលត្រូវបានជនសង្ស័យលួចបានសម្រេចហើយបានជិះគេចខ្លួននេះម៉ាក ហុងដាសេ១២៥ ពណ៍ខ្មៅ ពាក់ស្លាកលេខ ពោធិសាត់ 1G -5343 ជារបស់ឈ្មោះ ប៊ុន សៀងហាក់ ភេទប្រុស អាយុ២៨ឆ្នាំជនជាតិខ្មែរមុខរបរបុគ្គលិកធានាគារហត្ថាកសិករនៅឃុំឈើតុំ បច្ចុប្បន្ន រស់នៅភូមិ.ឃុំកើតហេតុ ។
ជនសង្ស័យដែលត្រូវសមត្ថកិច្ចឃាត់ខ្លួនបានមានឈ្មោះវីសាវីនភេទប្រុសអាយុ២៣ឆ្នាំនៅក្នុងបន្ទុកគ្រួសារឪពុកឈ្មោះ គឹម សាវី អាយុ ៤៥ឆ្នាំនិងម្ដាយឈ្មោះ ហ៊ីម សងះ អាយុ ៤៥ឆ្នាំនៅភូមិដង្គៀមក្ដាម ឃុំឈើតុំ ស្រុកក្រគរ ខេត្តពោធិ៍សាត់ ។ជនសង្ស័យសមត្ថកិច្ចនគរបាលបានសួរនាំ និងឆែកឆេ ឃើញម្សៅក្រាមពណ៌សថ្លាសង្ស័យថាជាសារធាតុញៀន១កញ្ចប់តូចជនសង្ស័យដែលត្រូវឃាត់ខ្លួនក៏សាងឯកសារបញ្ជូនទៅអធិការនគបាលស្រុកក្រគវត្ថុតាងម៉ូតូត្រូវបានប្រគល់ម្ចាស់វិញ៕