ព្រះសីហនុ៖កម្លាំងសមត្ថកិច្ចស្រុកកំពង់សីលាខេត្តព្រះសីហនុកាលពីយប់ថ្ងៃទី២៧ខែតុលាឆ្នាំ២០២០ បានចុះត្រួតពិនិត្យអាវុធជាតិផ្ទុះនៅផ្លូវជាតិលេខ៤ក្នុងស្រុកកំពង់សីលាមានរថយន្តមួយគ្រឿងមកដល់គោលដៅត្រួតពិនិត្យបានបើកគេចពីការត្រួតពិនិត្យ។ប៉ុន្តែសមត្ថកិច្ចបានដេញតាមឃាត់នាំយកមកគោលដៅត្រួតពិនិត្យវិញ។
រថយន្តនេះម៉ាកស្តារិចពណ៌ទឹកប្រាក់បើកបរដោយជនជាតិចិនមានទិសដៅពីភ្នំពេញទៅខេត្តព្រះសីហនុ មានអ្នករួមដំណើរ ចំនួន៣នាក់មានឈ្មោះFeng Yu ភេទប្រុសអាយុ៣២ឆ្នាំជនជាតិចិនអ្នកបើកបរ។ ២.ឈ្មោះ Gao Ying Kai ភេទប្រុស អាយុ២៩ឆ្នាំ ជនជាតិ ចិន អ្នករួមដំណើរ ៣.ឈ្មោះ Vu Thi Minh Hien ភេទស្រី អាយុ៣០ឆ្នាំ ជនជាតិវៀតណាម អ្នករួមដំណើរ។
ក្រោយត្រួតពិនិត្យឃើញមាន ៖ ១.ម្សៅសារធាតុញៀន ម៉ាទឹកកក ចំនួន៧កញ្ចប់ធំ២កញ្ចប់ តូច៥កញ្ចប់។កញ្ឆាក្រៀម១កញ្ចប់តូច និងថ្នាំពណ៌ខៀវ៦គ្រាប់ ។ ២.ខ្នោះដៃចំនួន១គូ ៣.ដំបងឆក់ចំនួន០១ដើម ៤.ទូរស័ព្ទដៃ ចំនួន៤គ្រឿង ៥.រថយន្តម៉ាក ស្តារិច ពណ៌ទឹកប្រាក់ ស្លាកលេខភ្នំពេញ ២AZ៨៤៨១ ចំនួន១គ្រឿង និងវត្ថុតាងមួយចំនួនទៀត។
បច្ចុប្បន្នជនសង្ស័យនិងវត្ថុតាងត្រូវបានឃាត់ទុកនៅអធិការដ្ឋាននគរបាលស្រុកកំពង់សីលាដើម្បីបន្តនីតិវិធី ៕សហការី
