ខេត្តកណ្តាល៖គ្រោះថ្នាក់ចរាចរណ៍រវាងរថយន្តធំបុកជាមួយរថយន្តធំបណ្តាលឱ្យមានអ្នកស្លាប់ម្នាក់និងរងរបួសធ្ងន់ម្នាក់។ករណីនេះបានកើតឡើងនៅចំណុចផ្លូវជាតិលេខ១ស្ថិតក្នុងភូមិព្រែកប៉ុលឃុំបន្ទាយដែក ស្រុកកៀនស្វាយ ខេត្តកណ្តាលកាលពីយប់ ថ្ងៃទី២៤ ខែកញ្ញា ឆ្នាំ២០២០។
សមត្ថកិច្ចបានឱ្យដឹងថា ជនរងគ្រោះដែលស្លាប់ឈ្មោះ ថោង សុភ័ក្រ ភេទប្រុស អាយុ៣៤ឆ្នាំ ជនជាតិខ្មែររស់នៅភូមិវិមានទ្រុងសង្កាត់សែនសុខរាជធានីភ្នំពេញ។ចំណែកអ្នករងរបួសធ្ងន់មានឈ្មោះ គយ សុភាព ភេទប្រុស អាយុ៤២ឆ្នាំ ស្នាក់នៅរាជធានីភ្នំពេញ។
សមត្ថកិច្ចអះអាងថាបណ្តាលមកពីអ្នកបើកបរថយន្តម៉ាកហ៊ីយ៉ាន់ដាយពាក់ស្លាកលេខតាកែវ3A0021ធ្វេសប្រហែសគ្មានការប្រុងប្រយ័ត្នមិនបានពិនិត្យមើលស្ថានភាពផ្លូវខាងមុខ។ក្រោយពីកើតហេតុសមត្ថកិច្ចចុះទៅធ្វើការវាស់វែងនិងប្រគល់សាកសពជូនក្រុមគ្រួសារធ្វើបុណ្យតាមប្រពៃណី។ដោយឡែកជនរងគ្រោះត្រូវបានបញ្ជូនទៅមន្ទីរពេទ្យ។វត្ថុតាងរថយន្តសមត្ថកិច្ចបានអូសយកទៅទុកនៅអធិការដ្ឋាននគរបាលស្រុកកៀនស្វាយដោះស្រាយតាមនីតិវិធី៕
