សៀមរាបៈអាជ្ញាធរថៃបានបញ្ជូនប្រជាពលរដ្ឋខ្មែរចំនួន៧នាក់មកឱ្យកម្ពុជាវិញតាមច្រកអន្តរជាតិជាំស្រុកអន្លង់វែងខេត្តឧត្តរមានជ័យកាលពីរសៀលថ្ងៃទី២២ខែតុលាឆ្នាំ២០២០។
ប្រភពព័ត៌មានបានឱ្យដឹងថាៈប្រជាពលរដ្ឋខ្មែរចំនួន ៧ នាក់ ដែលអាជ្ញាធរថៃបញ្ជូនមកវិញនោះ ១,ឈ្មោះសុខដុបភេទប្រុសអាយុ២២ឆ្នាំ។ទី២,មានឈ្មោះរិទ្ធ លុក ភេទប្រុសអាយុ ៤២ ឆ្នាំ។ទី៣ មានឈ្មោះហម លឿន ភេទប្រុសអាយុ ៤៦ ឆ្នាំ។ទី៣ មានឈ្មោះហុំ ដា ភេទប្រុសអាយុ ២៨ ឆ្នាំ។អ្នកទាំងបួនរស់នៅភូមិរលំថ្ម ឃុំរំដោះស្រែ ស្រុកជាំក្សាន្ត ខេត្តព្រះវិហារ។ពួកគេត្រូវថៃចាប់ខ្លួនថ្ងៃទី៣ខែសីហាឆ្នាំ២០១៨ពីបទឆ្លងដែនកាប់ឈើគ្រញូងខុសច្បាប់ចូលតាមច្រកអានសេះស្រុកជាំក្សាន្តខេត្តព្រះវិហារហើយបានជាប់ពន្ធនាគារនៅខេត្តអ៊ូរប៊ុន។
ទី៥ មានឈ្មោះមឿន សុខ ឃន ភេទប្រុសអាយុ ៣៤ ឆ្នាំរស់នៅភូមិរំដួល៨៨ ឃុំហូរស្រុកភ្នំស្រួច ខេត្តកំពង់ស្ពឺ។ចាប់ខ្លួនថ្ងៃទី០៦ ខែវិច្ឆិកា ឆ្នាំ២០១៨ ទី៦ មានឈ្មោះនួន សោន ភេទប្រុសអាយុ ៥៩ ឆ្នាំរស់នៅភូមិដុំដៅ ឃុំត្រពាំងឃ្លាំង ស្រុកឈូក ខេត្តកំពត។ចាប់ខ្លួនថ្ងៃទី៦ ខែមេសា ឆ្នាំ២០១៨
និងទី៧ មានឈ្មោះ វឿន វណ្ណី ភេទប្រុសអាយុ ៤០ ឆ្នាំរស់នៅភូមិកំពង់ត្រឡាច ឃុំកំពង់ត្រឡាច ស្រុកបន្ទាយសុទ្ធខេត្តកំពង់ឆ្នាំង។
ចាប់ខ្លួនថ្ងៃទី៥ខែកក្កដាឆ្នាំ២០១៧អ្នកទាំងបីត្រូវបានថៃចាប់ខ្លួនពីបទឆ្លងដែនកាប់ឈើគ្រញូងខុសច្បាប់ ចូលតាមច្រកអូស្វាយ ឃុំអូស្វាយ ស្រុកត្រពាំងប្រាសាទ ខេត្តឧត្តមានជ័យ ហើយបានជាប់ពន្ធនាគារនៅខេត្តស៊ីសាកេតប្រទេសថៃ៕សហការី
