ភ្នំពេញ៖រថយន្តបែនបានបើកបុកអ្នកជិះម៉ូតូពីក្រោយផ្ទប់រថយន្តសណ្តោងរ៉ឺកម៉កបណ្តាលឱ្យបុរសម្នាក់ស្លាប់។ហេតុកាណ៍គ្រោះថ្នាក់ចរាចរណ៍នេះបានកើតឡើងនៅតាមបណ្តោយផ្លូវព្រៃសស្ថិតក្នុងសង្កាត់ព្រៃសខណ្ឌដង្កោកាលពីព្រឹកថ្ងៃទី២៣ ខែតុលា ឆ្នាំ២០២០ ។
សមត្ថកិច្ចបានឱ្យដឹងថាៈជនរងគ្រោះមានឈ្មោះ ជឹម ទឹមអាយុ២៩ឆ្នាំមានស្រុកកំណើតនៅឃុំពេជសារ ស្រុកកោះអណ្តែត ខេត្តតាកែវ។ ជិះម៉ូតូហុងដាឌ្រីម សេ១២៥ ពណ៌ខ្មៅ សេរីឆ្នាំ២០០៩ ពាក់ស្លាកលេខ កណ្តាល 1I-3960 ។ចំណែករថយន្តបែនបង្កពាក់ស្លាកលេខ ភ្នំពេញ3B-6315 ។
សមត្ថកិច្ចមូលដ្ឋាននិងជំនាញបានចុះមកកន្លែងកើតហេតុវាស់វែងនិងទំនាក់ទំនងក្រុមគ្រួសារសាច់ញាតិឱ្យមកទទួលសពយកធ្វើបុណ្យតាមប្រពៃណី។ចំណែកវត្ថុតាងយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញដើម្បី ចាត់ការតាមនីតីវិធី៕សហការី
