ភ្នំពេញៈកាលពីថ្ងៃទី២២ខែតុលាឆ្នាំ២០២០រថយន្តពាក់ស្លាកលេខេមរភូមិន្ទ,នគរបាលឬរដ្ឋក៏ដោយដែលចតលើចិញ្ចើមផ្លូវល្មើសច្បាប់ចរាចរណ៍ត្រូវសមត្ថកិច្ចខណ្ឌទួលគោកចុះចាក់សោរកង់រថយន្តរួចអូសយកទៅរក្សាទុកដើម្បីធ្វើការអប់រំនិងផាកពិន័យតាមនីតិវិធីច្បាប់ ។
មន្ត្រីប៉ូលិសខណ្ឌដែលចុះធ្វើការងារនេះបានឱ្យដឹងថាសមត្ថកិច្ចនិងអាជ្ញាធរខណ្ឌបានចុះរៀបចំសណ្ដាប់ធ្នាប់តាមបណ្តោយផ្លូវលេខ២៧១ ក្នុងសង្កាត់ទឹកល្អក់ទី៣ ដោយបានចាក់សោកង់រថយន្ត ដែលចតខុសទិសនិងស្លាកសញ្ញាហាមចតចំនួន៣គ្រឿងដើម្បីធ្វើការអប់រំនិងផាកពិន័យទៅតាមច្បាប់ចរាចរណ៍ផ្លូវគោក។
ក្នុងការអនុវត្តការងារនេះ កម្លាំងសមត្ថកិច្ចបានធ្វើការអប់រំម្ចាស់អាជីវកម្ម ដែលលក់ដូរលើទ្រូងផ្លូវ ត្រូវលក់ចូលក្នុងផ្ទះរបស់ខ្លួននិងឈប់យកមធ្យោបាយមកចតលើទ្រូងផ្លូវនាំឱ្យកកស្ទះចរាចរណ៍ល្មើសនឹងច្បាប់ចរាចរណ៍ផ្លូវគោក។សមត្ថកិច្ចសុំឱ្យម្ចាស់រថយន្តទៅទទួលការផាកពិន័យតាមច្បាប់ចរាចរណ៍ផ្លូវគោកនៅអធិការដ្ឋាននគរបាលខណ្ឌទួលគោក។ជាមួយគ្នានេញដែរក៏សុំអង្វរដល់ម្ចាស់រថយន្តទាំងឡាយមេត្តាកុំចតរថយន្តតាមតែចិត្តនឹកឃើញ ត្រូវចូលរួមគោរពច្បាប់ទាំងអស់គ្នា៕សហការី
