កំពង់ស្ពឺៈគ្រោះថ្នាក់ចរាចរណ៍មួយបានកើតឡើងរវាងរថយន្តបើកបុកពីក្រោយម៉ូតូបណ្តាលឱ្យមនុស្សស្លាប់ម្នាក់និងម្នាក់ទៀតរងរបួសធ្ងន់។ហេតុការណ៍នេះបានកើតឡើងនៅលើផ្លូវជាតិលេខ៤ ចន្លោះគីឡូម៉ែត្រលេខ ៦៣-៦៤ ស្ថិតត្រង់ចំណុចភូមិក្រាំងល្ហុង ឃុំមហាសាំង ស្រុកភ្នំស្រួច ខេត្តកំពង់ស្ពឺ កាលពីព្រឹកថ្ងៃទី២០ ខែតុលា ឆ្នាំ២០២០។
សមត្ថកិច្ចបានឱ្យដឹងថាមុនពេលកើតហេតុគេឃើញម៉ូតូមួយគ្រឿង ម៉ាកស្មាស់ ពណ៌ខ្មៅ ពាក់ស្លាកលេខ ព្រះសីហនុ 1I-5033អ្នកបើកបរឈ្មោះហង្ស សុវ៉ាន់ ភេទប្រុស អាយុ៥១ឆ្នាំ ឌុបប្រពន្ធ ឈ្មោះកែវឃីមអាយុ៤៣ឆ្នាំទាំងពីររស់នៅភូមិឃុំខាងលើបើកបរពីលិចទៅកើត។
លុះបើកមកដល់ចំណុចកើតហេតុស្រាប់តែមានរថយន្តមួយគ្រឿងម៉ាក ព្រូស ពណ៌ខ្មៅ ពាក់ស្លាកលេខ ភ្នំពេញ2AW5134អ្នកបើកបរមិនស្គាល់អត្តសញ្ញាណបានបុកចំពីក្រោយបណ្តាលឱ្យអ្នកបើកម៉ូតូរងរបួសធ្ងន់និងអ្នកជិះពីក្រោយស្លាប់។ក្រោយពីកើតហេតុអ្នកបើករថយន្តបង្កបានចុះរត់គេចខ្លួនបាត់៕សហការី
