ខេត្តកំពង់ឆ្នាំង:គ្រោះថ្នាក់ចរាចរណ៍មួយរវាងរថយន្តធំនិងរថយន្តដឹកកម្មករបុកគ្នាបណ្តាលឱ្យកម្មការិនីរោងចក្រកាត់ដេរបានរងរបួសរបួស៥៧នាក់។នៅក្នុងគ្រោះថ្នាក់ចរាចរណ៍ពេលដែលមេឃកំពុងតែធ្លាក់ភ្លៀងខ្លាំង។ហេតុការណ៍នេះបានកើតឡើងនៅលើកំណាត់ផ្លូវជាតិលេខប្រាំចន្លោះគីឡូម៉ែត្រលេខ៣៩និង៤០ដែលនៅក្នុងស្ថិតក្នុងភូមិជន្លាត់ដៃឃុំស្វាយស្រុកសាមគ្គីមានជ័យខេត្តកំពង់ឆ្នាំងកាលពីនៅវេលាម៉ោង៦ព្រឹកថ្ងៃទី៨ខែតុលា២០២០។
ប្រភពពីសមត្ថកិច្ចនគបាលមូលដ្ឋានបានឱ្យដឹងថាៈករណីគ្រោះថ្នាក់ចរាចរណ៍បានកើតឡើងរវាងរថយន្តម៉ាកHYUNDAIពណ៍បៃតងពាក់ស្លាកលេខភ្នំពេញ3B4649ជារថយន្តដឹកកម្មការនីរោងចក្រកាត់ដេរមកពីស្រុកពញាឮខេត្តកណ្ដាល។រថយន្តនេះពេលបើកបរមកដល់ចំណុចខាងលើបានទៅបុកជាមួយនិងរថយន្តម៉ាក HINO ពណ៍ ស ពាក់ស្លាកលេខ ភ្នំពេញ3B7910 សណ្តោងរឺម៉ក់ពាក់ស្លាកលេខ ព្រះសីហនុ 4A3483 បើកបរដោយឈ្មោះ ពេជ្រ ភេទប្រុស អាយុ២៨ឆ្នាំនៅខេត្តពោធិ៍សាត់។
ក្រោយពេលកើតហេតុអ្នកបើកបររថយន្តធំទាំង២គ្រឿងបានរត់គេចខ្លួនបាត់ទុករថយន្តបន្សល់រថយន្តនៅកន្លែងកើតហេតុត្រូវសមត្ថកិច្ចនាំមករក្សាទុកនៅប៉ុស្តិ៍រដ្ឋបាលឃុំស្វាយរង់ចាំធ្វើការដោះស្រាយតាមនីតិវិធី។
លោកពៅស៊ីថាប្រធានមន្ទីរកាងារខេត្តកំពង់ឆ្នាំងបានឱ្យអ្នកកាសែតដឹងថាៈពិតជាមានករណីគ្រោះថ្នាក់ចរាចរណ៍រវាងរថយន្តធំនិងរថយន្តដឹកកម្មករពិតប្រាកដមែន។លោកបានឱ្យដឹងទៀតថាភ្លាមៗខាងលោកបានចុះទៅដល់តាមបណ្តាមន្ទីរពេទ្យទាំង២ដើម្បីសាកសួសុខទុក្ខ។ក្នុងករណីគ្រោះថ្នាក់នេះបានបណ្តាលឱ្យរងរបួសស្រាល៥៧នាក់និងកំពុងសម្រាកព្យាបាលនៅមន្ទីរពេទ្យតែចំនួន៣០នាក់ហើយមកដល់ពេលនេះត្រូវបានចេញទៅផ្ទះបណ្តើរៗហើយដែរ៕សហការី