ភ្នំពេញៈទឹកទន្លេមេគង្គអាចនឹងងើបឡើងវិញនៅក្នុងសប្តាហ៍ក្រោយបន្ទាប់ពីសម្ពាធទាបមួយនៅចុងនៃប្រព័ន្ធសម្ពាធដែលរំកឹលឡើងចុះលើប្រទេសកម្ពុជាបានវិវត្តទៅជាសម្ពាធទាបសកម្ម(ActiveLoW)ដើរស្របចុះឡើងតាមឆ្នេរប្រទេសវៀតណាមនាំឱ្យមានភ្លៀងធ្លាក់រាយប៉ាយច្រើននៅតំបន់អាងទន្លេមេគង្គលើ។
លោកចាន់ យុត្ថា អ្នកនាំពាក្យនិងជារដ្ឋលេខាធិការក្រសួងធនធានទឹក និង ឧតុនិយមបានឱ្យដឹងនៅថ្ងៃទី៣ខែតុលាឆ្នាំ២០២០ថាប្រទេសកម្ពុជាពេលនេះនៅតែស្ថិតក្រោមឥទ្ធិពលនៃប្រព័ន្ធសម្ពាធទាប ដែលមាន ភ្លៀងធ្លាក់ រាយប៉ាយស្ទើរក្នុងក្របខណ្ឌទូទាំងប្រទេស។មានភ្លៀងធ្លាក់មកកាន់តែច្រើន នៅ ពេលសម្ពាធទាបមួយដែលស្ថិតនៅចុងនៃប្រព័ន្ធសម្ពាធទាបក្លាយទៅជាសម្ពាធ ទាបសកម្ម(Active LoW )ហើយធ្វើដំណើរឡើងចុះស្របតាមឆ្នេរនៃ ប្រទេស វៀត ណាម។
អ្នកនាំពាក្យក្រសួងជំនាញខាងលើបានឱ្យដឹងទៀតថា សម្ពាធទាបសកម្ម នេះវានឹងបង្កឱ្យមានភ្លៀងធ្លាក់ច្រើននៅតំបន់អាងទន្លេមេគង្គលើ នៅពេលវាដើរ ទៅដល់ឈូងសមុទ្រតុងកឹងនិងរំកឹលចុះមកក្រោមវិញ។ព្រមពេឡជាមួយគ្នានេះ នៅក្នុងសមុទ្រឥណ្ឌាក៏ដូចក្នុងសមុទ្រអាដាមស៊ីនិងសមុទ្រប៉ាស៊ីហ្វិកក៏បានបាតុ ភូតច្រើនបង្កលក្ខណៈល្អដល់អាកាសធាតុក្នុងប្រទេសកម្ពុជា។
លោកចាន់ យុត្ថា និយាយឱ្យដឹងផងដែរថាសម្ពាធទាបសកម្មមួយ នៅក្នុង សមុទ្រប៉ាស៊ីហ្វិកខាងកើតប្រទេសហ្វីលីពីនវានឹងដើរចូលមកក្នុងសមុទ្រចិនរួចអាចវិវត្តខ្លួនទៅជាកូនព្យុះរុញច្រានសម្ពាធខ្ពស់ឱ្យត្រឡប់ក្រោយនៅដើមសប្តាហ៍ក្រោយធ្វើឱ្យភ្លៀងក្នុងតំបន់និងក្នុងប្រទេសកម្ពុជានៅអូសបន្លាយពេលវែងទៀត។
តាមព្រឹតិបត្រព័ត៌មាននិងព្យាករណ៍កម្ពស់ទឹករបស់ក្រសួងធនធានទឹកនិង ឧតុនិយមថ្ងៃទី៣តុលាឆ្នាំ២០២០បង្ហាញឱ្យឃើថានៅស្ទឹងត្រែងទឹកមាន កម្ពស់ ៥.៥១ម៉ែត្រខ្ពស់ជាងថ្ងៃទី២ខែកតុលា០.០១ម៉ែត្រទាបជាងកម្ពស់ទឹកមធ្យមច្រើន ឆ្នាំ១.៨២ម៉ែត្រ។នៅខេត្តក្រចេះទឹកមាន កម្ពស់១៣.៣៦ម៉ែត្រទាបជាងថ្ងៃទី ២ខែ តុលា០.២១ម៉ែត្រទាបជាងកម្ពស់ទឹកមធ្យម ច្រើនឆ្នាំ៤.១៧ម៉ែត្រ ។
នៅខេត្តកំ ពង់ ចាមទឹកមាន កម្ពស់៨.០៤ម៉ែត្រ ទាបជាងថ្ងៃទី២ខែតុលា០.១៨ម៉ែត្រ ទាបជាង កម្ព ស់ ទឹកមធ្យម ច្រើនឆ្នាំ៤.៥៦ម៉ែត្រ។នៅចតុមុខទឹកមាន កម្ពស់ ៥.១៥ម៉ែត្រ ទាប ជាងថ្ងៃទី២ខែតុលា.០១ម៉ែត្រ ទាបជាងកម្ពស់ទឹកមធ្យម ច្រើនឆ្នាំ៤.០៩ ម៉ែត្រ។ នៅបឹងទន្លេសាប ក្រគរ កំពង់លួង ទឹកមានកម្ពស់៣.៧៤ ម៉ែត្រ ខ្ពស់ជាង ថ្ងៃទី២ខែតុលា០.០៥ម៉ែត្រ។
ក្រសួងធនធានទឹកនិងឧតុនិយម កាលពីថ្ងៃទី២៩ខែកញ្ញាឆ្នាំ២០២០បាន ជូនដំណឹងស្តីពីការព្យាករស្ថានភាពអាកាសធាតុថា ចាប់ពីថ្ងៃទី៣០ខែកញ្ញា ដល់ ថ្ងៃទី៦ខែតុលាប្រព័ន្ធសម្ពាធទាបនៅតែបន្តអូសបន្លាយឆ្លងកាត់លើកម្ពុជា ដោយ ភ្ជាប់ជាមួយសម្ពាធទាបមួយ នៅលើសមុទ្រចិនខាងត្បូង ។
ក្នុងសេចក្តីជូនដំណឹងដោយពុំមានបោះត្រាក្រសួងនេះបានសរសរទៀតថាស្ថានភាពបែបនេះធ្វើឱ្យបណ្តាខេត្តនៅតំបន់វាលទំនាបកណ្តាលចាប់ពីថ្ងៃទី ៣០ខែកញ្ញាដល់ថ្ងៃទី៣ខែតុលា អាចនឹងមានភ្លៀងធ្លាក់រាយប៉ាយក្នុង កម្រិតពី តិចទៅមធ្យម ជាពិសេសនៅភាគពាយ័ព្យអាចមានធ្លាក់រាយប៉ាយនៅក្នុងកម្រិតពីបង្គួរទៅច្រើន។
សម្រាប់បណ្តាខេត្តនៅតំបន់ជួរភ្នំដងរែកនិងខ្ពង់រាបឦសានអាចនឹងមានភ្លៀងធ្លាក់រាយប៉ាយក្នុងកម្រិតពីតិចទៅបង្គួរ ។ តំបន់មាត់សមុទ្រនៅអំឡុងពីថ្ងៃ ទី៣០ខែកញ្ញាដល់ថ្ងៃទី០២ខែតុលា អាចនឹងមានភ្លៀងធ្លាក់រាយប៉ាយ ក្នុងកម្រិតកម្រិតពីបង្គួរ ទៅច្រើន។
នៅក្នុងសេចក្តីជូនដំណឹងបានសរសេរប្រាប់ដល់សាធារណជនឱ្យ ជ្រាបជា ព័ត៌មាន និងមានការប្រុង ប្រយ័ត្នខ្ពស់ ចំពោះបាតុភូត ផ្គរ រន្ទះ ខ្យល់កន្ត្រាក់ និងជំនន់ទឹកភ្លៀង ជាពិសេសប្រជាពលរដ្ឋ រស់នៅទីទំនាបក្បែរផ្លូវទឹក ជាប់តំបន់ភ្នំនៃបណ្តាខេត្តភាគពាយ័ព្យជាប់ប្រទេសថៃ បណ្តាខេត្តនៅតំបន់ មាត់សមុទ្រ និងបណ្តាខេត្តជាប់ជួរភ្នំក្រវាញ ។ ជាមួយគ្នានោះអ្នកនេសាទ និងអ្នកដំណើរសមុទ្រ សូមប្រុងប្រយ័ត្នចំពោះភ្លៀងខ្យល់ បក់ខ្លាំង និងរលកសមុទ្រខ្ពស់ៗ ចាប់ពីថ្ងៃទី ៣-
