ភ្នំពេញ៖រថយន្តទំនើបបុករថយន្តទំនើបដូចគ្នាបណ្ដាលឱ្យខ្ទេចខ្ទីទាំងសងខាងនៅផ្លូវលេខ២៨៥ស្ថិតក្នុងសង្កាត់បឹងកក់ទី១ ខណ្ឌទួលគោក កាលពីយប់ថ្ងៃទី២៤ ខែវិច្ឆិកា។
សាក្សីបានឱ្យដឹងថា មុនកើតហេតុមានរថយន្តម៉ាកមែរសឺដេសផ្លាកលេខភ្នំពេញ2AS-6565 បើកតាមផ្លូវលេខ២៨៥ពីកើតទៅលិច។មកដល់ផ្លូវលេខ៥២៨ស្រាប់តែមានរថយន្តម៉ាកFord Titanium ផ្លាកលេខ ភ្នំពេញ2BO-6764 បើកពីត្បូងទៅជើងក្នុងដំណើរខ្វែងគ្នាក៏បុកពេញទំហឹងបណ្ដាលឱ្យរថយន្តទាំង២រងការខូចខាតយ៉ាងដំណំតែមិនមានមនុស្សគ្រោះថ្នាក់ទេ។
បន្ទាប់មកភាគីទាំងសងខាងបានដើរចេញពីកន្លែងកើតហេតុបាត់អស់ត្រូវសមត្ថកិច្ចជំនាញចរាចរណ៍រាជធានីភ្នំពេញចុះយករថយន្តទាំង២គ្រឿងទៅរក្សាទុករង់ចាំម្ចាស់ចូលខ្លួនដោះស្រាយ៕