(កំពង់ចាម) នៅថ្ងៃទី០៤ ខែវិច្ឆិកា ឆ្នាំ២០២២ លោកជំទាវ ប៉ាង ដានី អភិបាលរងខេត្តតំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួម កិច្ចសន្ទនា រវាងយុវជន និងអាជ្ញាធរ លើប្រធានបទស្ដីពី «ការចូលរួមរបស់យុវជន ក្នុងការលើកកម្ពស់ ការអនុវត្តន៍ សិទ្ធសេដ្ឋកិច្ចសង្គម ក្នុងការឆ្លើយតបបញ្ហា តមនរូវការរបស់ប្រជាពលរដ្ឋ »កិច្ចសន្ទនា មានគោលបំណងគឺ៖ ដើម្បីបង្ហាញពីវឌ្ឍនភាព នៃបញ្ហាដែលបានលើកឡើងនាពេលកន្លងមក ដល់អាជ្ញាធរ និងមន្ទីរពាក់ព័ន្ធ រួមទាំងសមិទ្ធផលរបស់ក្រុមយុវជនទាំង ៤សង្កាត់ ។ បង្កើនឱកាសសម្រាប់យុវជន ជាពិសេសសហគ្រិនស្ត្រី និងស្ត្រីក្នុងការចែករំលែក និងលើកឡើងពីកង្វល់នោះ។ ការជួបប្រទះថ្មីៗទាក់ទងនឹងសេវាសាធារណៈសង្កាត់-ក្រុង ការចុះបញ្ជីអាជីវកម្ម និងកិច្ចគាំពារសង្គមលើគ្រួសារក្រីក្រដែលមិនទាន់ទទួលបានប័ណ្ណសមធម៌។ ផ្សាភ្ជាប់ទំនាក់ទំនង រវាងយុវជន សហគ្រិនស្ត្រី ខេត្ត ក្រុង សង្កាត់ មន្ទីរ និងអ្នកពាក់ព័ន្ធផ្សេងទៀត ជាពិសេសចែករំលែកការយល់ដឹង និងរៀនសូត្រពីគ្នាទៅវិញទៅមក និងបង្កើនកិច្ចសហប្រតិបត្តិការល្អជាមួយគ្នាទៅវិញទៅមក៕