បន្ទាយមានជ័យ៖យុវជនជើងខ្លាំង២ក្រុមគ្រាន់តែក្រុម១ទៀតជិះកាត់មុខកន្លែងខ្លួនផឹកស៊ីក៏បង្កើតការចោទថាជិះកាច់រឹកកាច់រាងធ្វើឱ្យក្រុមខ្លួនខឹងហើយឈានដល់ជិះម៉ូតូតាមវាយសំពងគ្នាយ៉ាងព្រៃផ្សៃ។ហេតុការណ៍នេះបណ្តាលឱ្យស្លាប់ម្នាក់និងត្រូវចាប់ខ្លួនទៅដាក់គុកម្នាក់។អំពើហឹង្សាររបស់ក្មេងទំនើងនោះបានកើតឡើងខាងត្បងភូមិភ្នំជញ្ជាំងឃុំជប់វារីស្រុកព្រះនេត្រព្រះខេត្តបន្ទាយមានជ័យកាលពីល្ងាចថ្ងៃទី៤ខែមិថុនាឆ្នាំ២០២០។
លោកវរសេនីយ៍ឯកមាសប្ញទ្ធីអធិការនគរបាលស្រុកព្រះនេត្រព្រះបានឱ្យដឹងថា៖ជនដៃដល់មានឈ្មោះ ច័ន្ទ សេរីវឌ្ឍនាភេទប្រុស អាយុ១៨ឆ្នាំ រស់នៅភូមិ/ឃុំខាងលើ។ចំណែកជនរងគ្រោះរបួសធ្ងន់ ហើយបន្ទាប់មកបានស្លាប់មានឈ្មោះសុខ ណាថាន់ ភេទប្រុសអាយុ១៨ឆ្នាំ រសនៅភូមិស្ទឹងចាស់ ឃុំគយម៉ែង ស្រុកមង្គលបូរី ខេត្តបន្ទាយមានជ័យ។
នៅមុនពេលកើតហេតុជនដៃដល់ ឈ្មោះ ច័ន្ទ សេរីរីវឌ្ឍនានិងបក្ខពួកគេ៣នាក់ទៀត មាន១៖ ឈ្មោះ ហុក វាសនា ហៅស្តៅ ភេទប្រុស អាយុ២២ឆ្នាំ ។២៖ ឈ្មោះ កែវ ចាំងភេទប្រុសអាយុ២០ឆ្នាំ និង៣៖ ឈ្មោះ ស៊ុយ លឹមហាំងភេទប្រុសអាយុ២១ឆ្នាំ ។ទាំង៣នាក់រស់ភូមិភ្នំជញ្ជាំង ឃុំជប់វារី ស្រុកព្រះនេត្រព្រះ។
លោកបានបន្តថា៖ក្រុមក្មេងទំនើងបង្កបានកំពុងអង្គុយផឹកស្រាបៀរនៅចំណុចកើតហេតុក៏ស្រាប់តែមានក្មេងមួយក្រុមទៀតបើកម៉ូតូកាត់មុខហើយបង្កើតការចោទទៅក្រុមជនរងគ្រោះថាបានបើកម៉ូតូកាច់រឹកកាច់រាងដាក់ពួកខ្លួន ។ភ្លាមៗនោះឈ្មោះហុក វាសនា បានបើកម៉ូតូដឹកឈ្មោះចាន់សេរីវឌ្ព្យនា ជាជនដៃ ដេញតាមពីក្រោយ ដោយមានកាន់ដំបងប្ញស្សី មួយកំណាត់ដេញវាយឈ្មោះសុខណាថាន់ ចំក្បាលផ្នែកខាងក្រោយរងរបួសធ្ងន់បណ្តាលឱ្យដួលទៅលើផ្លូវជាតិ ៕
