ស្វាយរៀង៖គ្រោះថ្នាក់ចរាចរណ៍រវាងម៉ូតូរ៉ឺម៉កបុកជាមួយម៉ូតូបណ្តាលឱ្យមនុស្ស២នាក់រងរបួសធ្ងន់នៅភូមិជីកដី ស្រុករមាសហែក ខេត្តស្វាយរៀងកាលពីយប់ ថ្ងៃទី៣ខែ ឧសភា។
មន្ត្រីនគរបាលស្រុកបានឱ្យដឹងថា អ្នកបើកម៉ូតូបង្កហេតុឈ្មោះ ភារ៉ា អាយុ២៨ឆ្នាំនៅភូមិត្រពាំងព្រីង ឃុំអង្គប្រស្រែ ស្រុករមាសហែក ខេត្តស្វាយរៀង។ ជិះម៉ូតូម៉ាកហុងដាឌ្រីម សេ១២៥ បានរងការខូចខាតស្ទើរទាំងស្រុង។ចំណែកភាគីម្ខាងទៀតឈ្មោះបឿន ឡាត់ អាយុ៣៧ឆ្នាំនៅភូមិសេរីអោ ឃុំត្រស់ ស្រុករមាសហែក បើកម៉ូតូសណ្តោងរ៉ឺម៉កម៉ាកសង់កូរ៉េ ។
ក្រោយមកអ្នករងរបួសទាំងសងខាងត្រូវបានដឹកតាមរថយន្តទៅមន្ទីរពេទ្យបង្អែកស្រុករមាសហែក។ចំណែកមធ្យោបាយសមត្ថកិច្ចយកទៅរក្សាទុកនៅប៉ុស្តិ៍នគរបាល ដើម្បីដោះស្រាយពេលក្រោយ៕
