បាត់ដំបង៖កម្លាំងនគរបាលប្រឆាំងគ្រឿងញៀនខេត្តកាលពីរសៀលថ្ងៃទី៥ខែមិថុនាឆ្នាំ២០២០បានបញ្ជូនជនសង្ស័យម្នាក់ទៅតុលាការពីបទរក្សាទុកដឹកជញ្ជូនឬជួញដូរគ្រឿងញៀន។ក្រោយពេលកម្លាំងឃាត់ខ្លួនបានកាលពីរសៀលថ្ងៃទី៤ខែមិថុនាឆ្នាំ២០២០នៅចំណុចក្រុមទី២ភូមិតាស្តាឃុំតាស្តាស្រុកសំពៅលូនខេត្តបាត់ដំបង។
លោកវរសេនីយ៍ឯកពេជ្រសារ៉ែនអធិការនគរបាលស្រុកសំពៅលូនបានឱ្យដឹងថាជនសង្ស័យមានឈ្មោះហៀងសុកូណាល់ភេទប្រុសអាយុ២៧ឆ្នាំរស់នៅភូមិឃុំខាងលើ។វត្ថុតាងដែលចាប់យកបានមានថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនូន១ថង់ទម្ងន់០,៤៤ក្រាមថ្នាំញៀនប្រភេទមរតំហ្វេតាមីន(យ៉ាម៉ាWY)ចំនួន៤គ្រាប់ទម្ងន់០,៣៤ក្រាម។
លោកវរសេនីយ៍ទោសុខនិមលនាយការិយាល័យប្រឆាំងគ្រឿងញៀនខេត្តបានបញ្ជាក់ថាក្រោយពេលជនសង្ស័យឆ្លើយសារភាពរួចមកលោកស្នងការខេត្តបានបញ្ជាឱ្យកុម្លាំងជំនាញកសាងសំណុំរឿងបញ្ជូនជនសង្ស័យនិងវត្ថុតាងទៅតុលាការដើម្បីចាត់ការតាមនីតិវិធិ៕
