ព្រះវិហារ៖លោក ឧត្តមសេនីយ៍ទោ ច័ន្ទ សុភ័ត្ត្រា មេបញ្ជាការតំបន់ប្រតិបត្តិការសឹករងព្រះវិហារ និងជា ប្រធាន ស.អ.ក ខេត្តព្រះវិហារ កាលពីព្រឹកថ្ងៃទី២៤ ខែសីហា ឆ្នាំ២០២០បានដឹកនាំក្រុមការងារ សអក ខេត្ត, ក្រុមការងារ សអក ស្រុក, ចុះប្រគល់ថវិកាបេឡាមរណៈសង្គ្រោះចំនួន ៤.០០០.០០០រៀល។ជូនគ្រួសារសព អតីតយុទ្ធជន ឈ្មោះ ពៅ សានី ភេទប្រុស អាយុ៤៧ឆ្នាំនិវត្តជន បានទទួលមរណៈភាពនៅថ្ងៃទី២០ ខែសីហា ឆ្នាំ២០២០ នៅភូមិធ្មា ឃុំធ្មា ស្រុកជ័យសែន ខេត្តព្រះវិហារ ។
លោកប្រធាន ក៏បានបន្តដឹកនាំក្រុមការងារចុះសួរសុខទុក្ខ អតីតយុទ្ធជន ចំនួន ៥គ្រួសារ និងប្រជាពលរដ្ឋក្រីក្រ ចំនួន ១០គ្រួសារ ស្ថិតក្នុងស្រុកជ័យសែន ខេត្តព្រះវិហារ ។ អតីតយុទ្ធជន ៥គ្រួសារ ក្នុង១គ្រួសារៗទទួលបានថវិកាចំនួន ៣០.០០០រៀល,មានអង្ករ,ប៊ីចេង, ទឹកដោះគោកំប៉ុង, ទឹកស៊ីអ៊ីវនិងស្ករសរ។
ក្នុងនោះប្រជាពលរដ្ឋក្រីក្រចំនួន១០គ្រួសារ ដែលបានអញ្ជើញចូលរួមក្នុងកម្មវិធីនេះ ក្នុងមួយគ្រួសារៗទទួលបានថវិកាចំនួន ២០.០០០រៀល ។ ថវិកា និងសម្ភារទាំងអស់នេះ គឺជាអំណោយដ៏ថ្លៃថ្លាររបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា និងជា ប្រធានសមាគមអតីតយុទ្ធជនកម្ពុជា ៕
