បន្ទាយមានជ័យ: នៅព្រឹកថ្ងៃទី៨ខែមករាឆ្នាំ២០២៣ លោកឧត្តមសេនីយ៍ត្រី វង្ស វិត ស្នងការរង ផែនការងារធនធានមនុស្ស តំណាងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ អមដំណើរដោយលោកវរសេនីយ៍ឯកលី ប៊ុនរត្ន័ស្នងការរង លោកវរសេនីយ៍ឯក ឱ នរិន្ទ នាយការិយាល័យបុគ្គិលិកនិងលោកវរសេនីយ៍ឯក បាន ធឿននាយការិយាល័យផ្សព្វផ្សាយអប់រំបាននាំយកថវិការបស់សមាគមន៍មិត្តនគរបាលជាតិកម្ពុជានិងថវិកាចូលរួមរបស់កម្លាំងស្នងការដ្ឋាននគរបាលខេត្ត សរុបចំនួន៧,២១០,០០០រៀលទៅប្រគល់ជូនក្រុមគ្រួសារសព លោកវរសេនីយ៍ទោប៉ុក សំអនអតីតនាយរងការិយាល័យបុគ្គិលិក(មន្ត្រីចូលនិវត្តន៍) នៃស្នងការដ្ឋាននគរបាលខេត្តបន្ទាយមានជ័យ បានទទួលមរណភាពនៅថ្ងៃទី៦ ខែមករា ឆ្នាំ២០២៣ វេលាម៉ោង៤និង៣០នាទីព្រឹក ដោយរោគាពាធក្នុងជន្មាយុ៦១ឆ្នាំ ។
សពត្រូវបានក្រុមគ្រួសាររៀបចំធ្វើបុណ្យតាមប្រពៃណី នៅគេហដ្ឋាននៃសពដែលស្ថិតនៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណខេត្តបន្ទាយមានជ័យ។
ថ្លែងក្នុងឱកាសដ៏ក្រៀមក្រំនោះ លោកឧត្តមសេនីយ៍ត្រី វង្ស វិត ស្នងការរងផែនការងារធនធានមនុស្សបានពាំនាំការផ្តាំផ្ញើពីសំណាក់លោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តបន្ទាយមានជ័យ និងខ្លួនលោកផ្ទាល់ចូលរួមមរណទុក្ខនិងចូលរួមសោក ស្តាយយ៉ាងក្រៃលែងជាមួយក្រុមគ្រួសារសព ដែលបាត់បង់ ប្តី ឪពុក ជាទីគោរពស្រឡាញ់ ៕