កោះកុង៖គ្រោះថ្នាក់ចរាចរណ៍ក្រឡាប់រថយន្តដោយខ្លួនឯងនៅខេត្តកោះកុងបណ្តាលឱ្យមនុស្ស២នាក់បានស្លាប់និង៣នាក់ទៀតរងរបួសធ្ងន់។
មន្ត្រីនគរបាលខេត្តកោះកុងបានឱ្យដឹងថាៈគ្រោះថ្នាក់ចរាចរណ៍នេះបានកើតឡើងកាលពីម៉ោង១០ព្រឹកថ្ងៃទី ២៤ ខែសីហា ឆ្នាំ២០២០លើវិថីសាយភូថងដែលស្ថិតនៅភូមិជីត្រេះឃុំអណ្ដូងទឹកស្រុកបូទុមសាគរ ខេត្តកោះកុង។មន្ត្រីដដែលបានបន្តថាករណីខាងលើនេះបានបណ្ដាលឱ្យមនុស្សស្រីចំនួន២នាក់បានស្លាប់ និង៣នាក់ទៀតបានរងរបួសធ្ងន់។
ចំណែកឯរថយន្តរងគ្រោះ មានម៉ាកឡង់គ្រីស័រ ពណ៌ខ្មៅ ពាក់ស្លាកលេខ ភ្នំពេញ 2A-9754 ។
ប្រភពបានបញ្ជាក់ទៀតថា មូលហេតុដែលនាំឱ្យមានគ្រោះថ្នាក់នេះគឺបណ្តាលមកពីបើកបរក្នុងស្ថានភាពល្បឿនលឿន៕
