ស្ទឹងត្រែង៖បុរសម្នាក់បើកបរម៉ូតូទៅបុកបង្កាន់ដៃស្ពានដែកពេញទំហឹងបណ្តាលឱ្យស្លាប់មួយរំពេចគាបជាប់ដែកស្ពាននោះ។
ហេតុការណ៍នោះបានកើតឡើងនៅម្តុំស្ពានអូរចាប ព្រុំប្រទល់ ភូមិបានប៊ុងនិងភូមិកំភុនស្រុកសេសានខេត្តស្ទឹងត្រែងកាលពីវេលាម៉ោងជាង៥ល្ងាចថ្ងៃទី២៥ខែ មេសាឆ្នាំ២០២២។
សមត្ថកិច្ចបានឱ្យដឹងថា ជនរងគ្រោះឈ្មោះជា ហូម អាយុ៣២ឆ្នាំ រស់នៅភូមិភ្លុកឃុំភ្លុក ស្រុកសេសាន។ករណីគ្រោះថ្នាក់នេះបង្កឡើងដោយខ្លួនឯងទិសដៅពីលិចទៅកើត។ម៉ូតូ១គ្រឿងដែលជនរងគ្រោះជិះម៉ាកវ៉ែវS គ្មានផ្លាកលេខ ខូចខាតយ៉ាងដំណំនៅផ្នែកខាងមុខ។ក្រោយកើតហេតុសមត្ថកិច្ចក៏បានយកម៉ូតូទៅរក្សាទុកនៅអធិការដ្ឋានស្រុកសេសាន ៕
