សៀមរាប៖ស្ត្រីចំណាស់ម្នាក់បានដើរឆ្លងផ្លូវត្រូវគោយន្តកន្ត្រៃបុកបណ្តាលឱ្យស្លាប់នៅនឹងកន្លែង។ករណីគ្រោះថ្នាក់ចរាចរណ៍នេះបានកើតឡើងនៅលើផ្លូវក្រាលកៅស៊ូក្នុងភូមិស្រះឃុំរើលស្រុកពួកខេត្តសៀមរាបកាលពីព្រឹកថ្ងៃទី៥ខែមិថុនាឆ្នាំ២០២០។
សមត្ថកិច្ចនគរបាលស្រុកពួក បានឱ្យដឹងថាករណីគ្រោះថ្នាក់ចរាចរណ៍នេះបង្កឡើងដោយ គោយន្តកន្ត្រៃម៉ាកគូបូតាពណ៌ក្រហមបើកបរដោយឈ្មោះចក់ខេនភេទប្រុសអាយុ៣០ឆ្នាំរស់នៅភូមិត្រពាំងប្ញស្សីឃុំរើលស្រុកពួកខេត្តសៀមរាប។បានបើកបុកជនរងគ្រោះឈ្មោះ ស៊ិន សែត ភេទស្រី អាយុ៨៣ឆ្នាំរស់នៅភូមិស្រះឃុំរើលស្រុកពួកខេត្តសៀមរាបពេលដែលជនរងគ្រោះបានដើរឆ្លងផ្លូវបណ្តាលឱ្យស្លាប់ភ្លាមៗនៅនឹងកន្លែងកើតហេតុ៕
