ព្រះសីហនុ៖នៅពីព្រឹកថ្ងៃទី៥ខែមិថុនាឆ្នាំ២០២០កម្លាំងការិយាល័យបទល្មើសគ្រឿងញៀនមន្ទីរយុត្តិធម៌កងរាជអាវុធហត្ថខេត្តព្រះសីហនុបានកសាងសំណុំរឿងបញ្ជូនជនសង្ស័យម្នាក់ទៅតុលាការពាក់ព័ន្ធករណីគ្រឿងញៀន។ជនសង្ស័យឈ្មោះហ្វៀលម៉ាន់ស៊ូជីតូភេទប្រុសអាយុ៣០ឆ្នាំជនជាតិឥណ្ឌូនេស៊ីមុខរបរបុគ្គលិកកាស៊ីណូរួមនឹងវត្ថុតាងមួយចំនួនធំ។
ក្រោមការដឹកនាំតាមបញ្ជាលោកឧត្តមសេនីយ៍ត្រីហេងប៊ុនទីមេបញ្ជាការកងរាជអាវុធហត្ថខេត្តព្រះសីហនុបានបង្ក្រាបជនសង្ស័យពាក់ព័ន្ធករណីជួញដូរនិងប្រើប្រាស់ដោយខុសច្បាប់នូវសារធាតុញៀនស្ថិតក្រុមទី៩ភូមិ៥សង្កាត់លេខ៤ ក្រុងព្រះសីហនុ។
វត្ថុតាងរួមមានម្សៅសថ្លាចំនួន៣៩កញ្ចប់,ម្សៅពណ៌សប្រភេទខេចំនួន៣កញ្ចប់,ថ្នាំគ្រាប់ពណ៌ផ្ទៃមេឃ ចំនួន២១គ្រាប់, ថ្នាំគ្រាប់ចំនួន១៧បន្ទះ,ដបជក់ចំនួន១,ដែកកេះចំនួន៤,ជញ្ជីងចំនួន១,ក្បាលផ្សារ ចំនួន១,ប្រាក់ដុល្លារ ចំនួន១៦៥$,ខ្សៀជក់ ចំនួន១១និងថង់មួយចំនួន៕