ភ្នំពេញ៖ឃ្លាំងស្តុកទូរអាគុយសឡារបស់មន្ត្រីរដ្ឋាកទឹកស្វាយ័ត្នម្នាក់ត្រូវបានអគ្គិភ័យ ឆាបឆេះផ្សែងហុយទ្រលោមនិងសាយភាយអាស៊ីតបង្កឱ្យមានការភ្ញាក់ផ្អើលដល់អាជ្ញាធរនិងសមត្ថកិច្ចហៅរថយន្តពន្លត់អគ្គិភ័យមួយគ្រឿងទៅបាញ់ពន្លត់។ទោះបីជាយ៉ាងណាភ្លើងពុំឆេះជាអណ្តាត់ភ្លើង នោះទេ ។
ហេតុការណ៍នេះបង្កឱ្យមានការភ្ញាក់ផ្អើលកាលពីថ្ងៃត្រង់ទី៥ខែមិថុនាឆ្នាំ២០២០ក្នុងភូមិអន្លង់ក្ងានសង្កាត់ឃ្មួញខណ្ឌសែនសុខ។ទីតាំងដែលត្រូវភ្លើងឆេះមានទំហំប្រមាណ៦ម៉ែត្រគុណ៤ជ្រុងជាឃ្លាំងទុកទូរអាយុសឡានិងកម្មករស្នាក់នៅក្នុងបរិវេណផ្ទះដែលមានម្ចាស់ឈ្មោះឈនឆានភេទប្រុសអាយុ៥៨ឆ្នាំជាមន្ត្រីរដ្ឋាករទឹកស្វាយ័ត្នភ្នំពេញ ។
តាមព័ត៌មានឱ្យដឹងថា នៅមុនពេលកើតហេតុ ខណៈពេល ដែលម្ចាស់ផ្ទះ ពុំនៅ មានតែអ្នកបម្រើ និងបងប្អូន។ស្រាប់តែភ្លើងបានឆេះហុយទ្រលោមចេញពីក្នុងកូនផ្ទះដែលជាកន្លែងឃ្លាំងសម្រាប់ដាក់ទូរអាគុយសឡា។ភ្លាមៗបង្កឱ្យមានការភ្ញាក់ផ្អើល់ដលអ្នកភូមិនិងអាជ្ញាធរសមត្ថកិច្ចបានហៅរថយន្តពន្លត់អគ្គិភ័យមួយគ្រឿងទៅអន្តរាគមន៍។ដោយសារតែការឆាបអាគុយនោះធ្វើជាតិអាស៊ីតបានសាយភាយមកខាងក្រៅ ។
តាមម្ចាស់ផ្ទះឱ្យដឹងថាកាលពីថ្ងៃទី៤ខែមិថុនាជាងក៏បានទៅរៀបចំតអាគុយភ្ជាប់ទៅនឹងផ្ទាំងសឡាដែលដាក់បន្ថែមនៅដំបូលផ្ទះសង្ស័យឆ្លងចរន្តបណ្តាលឱ្យឆេះអាគុយតែម្តង។ម្ចាស់ផ្ទះបានឱ្យដឹងទៀតថាដោយសារតែភ្លើងឆេះតែដាច់គាត់ក៏បានរៀបដាក់ផ្ទាំងសឡាដើម្បីប្រើភ្លើងនៅក្នុងផ្ទះនៅពេលភ្លើងអស់ប្រមាណជាង២ម៉ឺនដុល្លារ។
ក្នុងនោះគ្រាន់តែអាគុយសាកសឡាតម្លៃប្រមាណ១ម៉ឺនដុល្លារសង្ស័យជាងដែលមកតបន្ថែមសឡាខុសបច្ចេកទេសបានជាឆ្លងចរន្តឆេះបែបនេះ៕
